فرانتسۋز تەرگەۋشٸلەرٸ ەۋروپا فۋتبول قاۋىمداستىعىنىڭ (UEFA) بۇرىنعى جەتەكشٸسٸ ميشەل پلاتينيدەن بٸرنەشە ساعات جاۋاپ العاننان كەيٸن 19 ماۋسىمعا قاراعان تٷنٸ بوساتقان. بۇل تۋرالى AFP اگەنتتٸگٸ حابارلادى.
18 ماۋسىمدا فرانتسۋز پوليتسيياسى پلاتينيدٸ 2022 جىلى ەلەم چەمپيوناتى ٶتەتٸن ەلدٸ تاڭداۋ كەزٸندە سىبايلاس جەمقورلىق قىلمىسى جاسالعان بولۋى ىقتيمال دەگەن كٷدٸكپەن قوزعالعان ٸس اياسىندا ۇستاعان.
63 جاستاعى ميشەل پلاتينيدٸڭ ٶزٸ تەرگەۋ كەزٸندە سٶز بولعان فاكتٸلەر بويىنشا بارلىق اقپارات بەرگەنٸن ايتتى.
2010 جىلى 2022 جىلعى ەلەم چەمپيوناتى كاتاردا ٶتەتٸنٸ تۋرالى شەشٸم قابىلدانعان كەزدە بٸرقاتار شەنەۋنٸك كاتار ٶكٸلدەرٸ ٶزدەرٸنە داۋىس بەرۋ ٷشٸن اقشا بەرگەنٸن مەلٸمدەگەن. حالىقارالىق فۋتبول فەدەراتسيياسىنىڭ (FIFA) تەۋەلسٸز كوميسسيياسى تەرگەۋ جٷرگٸزٸپ, بۇل مەلٸمدەمەلەرگە دەلەل تاپپاعان.
2015 جىلى FIFA-نىڭ ەتيكا جٶنٸندەگٸ كوميتەتٸ پلاتينيدٸ سەگٸز جىلعا فۋتبولدان شەتتەتكەن.
