© Pixabay / Jana Schneider
Politseiler aldaǵy ýaqytta tergeý júrgizip, isti tikelei sotqa jiberýge múmkindik alady. Bul týraly ishki ister ministri Marat Ahmetjanov málimdedi, dep habarlaidy Sputnik Qazaqstan.
Ishki ister ministri Marat Ahmetjanovtyń aitýynsha, búginde tergeýshilerdiń júktemesi joǵary bolyp tur. Sonyń saldarynan olar mańyzdy isterge den qoia almaidy, isti sapaly túrde tergeýge múmkindik joq. Al keibir jaǵdailarda istiń mán-jaiy aiqyn. Ondai istermen endi ýchaskelik politseiler ainalysady.
"Qazir bizdiń júktememiz óte úlken, sebebi respýblika boiynsha qozǵalatyn isterdiń 96 protsentin ishki ister organdary tergeidi. Budan bólek, ákimshilik quqyq buzýshylyqtar da az emes. Sondyqtan bizge qylmystyq protsesti barynsha ońtailandyrý qajet", - dedi Ahmetjanov Ortalyq kommýnikatsiialar qyzmetinde ótken brifingte.
Osyǵan orai, ministrlik kelesi jyldan bastap qiyn emes ister boiynsha politsiialyq tergeýge kóshýdi josparlap otyr.
"Sonda tergeýshilerge kóp salmaq túspeidi. Olar ózderine túsken qylmystyq isterdi tiianaqty ári sapaly túrde tergei alady", - dep tolyqtyrdy Marat Ahmetjanov.
Ministrdiń aitýynsha, sebebi anyq ári mán-jaiy belgili isterdi ýchaskelik politseiler tergeidi. Sosyn aiyptaý hattamasymen tikelei sotqa jiberedi.
