© Pixabay / Jana Schneider
پوليتسەيلەر الداعى ۋاقىتتا تەرگەۋ جٷرگٸزٸپ, ٸستٸ تٸكەلەي سوتقا جٸبەرۋگە مٷمكٸندٸك الادى. بۇل تۋرالى ٸشكٸ ٸستەر مينيسترٸ مارات احمەتجانوۆ مەلٸمدەدٸ, دەپ حابارلايدى Sputnik قازاقستان.
ٸشكٸ ٸستەر مينيسترٸ مارات احمەتجانوۆتىڭ ايتۋىنشا, بٷگٸندە تەرگەۋشٸلەردٸڭ جٷكتەمەسٸ جوعارى بولىپ تۇر. سونىڭ سالدارىنان ولار ماڭىزدى ٸستەرگە دەن قويا المايدى, ٸستٸ ساپالى تٷردە تەرگەۋگە مٷمكٸندٸك جوق. ال كەيبٸر جاعدايلاردا ٸستٸڭ مەن-جايى ايقىن. ونداي ٸستەرمەن ەندٸ ۋچاسكەلٸك پوليتسەيلەر اينالىسادى.
"قازٸر بٸزدٸڭ جٷكتەمەمٸز ٶتە ٷلكەن, سەبەبٸ رەسپۋبليكا بويىنشا قوزعالاتىن ٸستەردٸڭ 96 پروتسەنتٸن ٸشكٸ ٸستەر ورگاندارى تەرگەيدٸ. بۇدان بٶلەك, ەكٸمشٸلٸك قۇقىق بۇزۋشىلىقتار دا از ەمەس. سوندىقتان بٸزگە قىلمىستىق پروتسەستٸ بارىنشا وڭتايلاندىرۋ قاجەت", - دەدٸ احمەتجانوۆ ورتالىق كوممۋنيكاتسييالار قىزمەتٸندە ٶتكەن بريفينگتە.
وسىعان وراي, مينيسترلٸك كەلەسٸ جىلدان باستاپ قيىن ەمەس ٸستەر بويىنشا پوليتسييالىق تەرگەۋگە كٶشۋدٸ جوسپارلاپ وتىر.
"سوندا تەرگەۋشٸلەرگە كٶپ سالماق تٷسپەيدٸ. ولار ٶزدەرٸنە تٷسكەن قىلمىستىق ٸستەردٸ تيياناقتى ەرٸ ساپالى تٷردە تەرگەي الادى", - دەپ تولىقتىردى مارات احمەتجانوۆ.
مينيستردٸڭ ايتۋىنشا, سەبەبٸ انىق ەرٸ مەن-جايى بەلگٸلٸ ٸستەردٸ ۋچاسكەلٸك پوليتسەيلەر تەرگەيدٸ. سوسىن ايىپتاۋ حاتتاماسىمەن تٸكەلەي سوتقا جٸبەرەدٸ.
