Búgin Ortalyq sailaý komissiiasynyń otyrysynda sailaý ýchaskeleriniń referendým kúni daýys berýge daiyndyǵy týraly esep berildi, dep habarlaidy QazAqparat.
«Áriptesterimizdiń aqparatyna sáikes, ýchaskelik komissiialar daýys berý kúnine daiyn. Biýlletender ýchaskelerge jetkizildi jáne olardyń qaýipsizdigi qamtamasyz etildi», - dep atap ótti OSK tóraǵasy Nurlan Ábdirov.
Sonymen qatar vedomstvo basshysy atap ótikendei, azamattar esepten shyǵarý kýáligin alyp, basqa daýys berý ýchaskelerine áli de tirkelip jatyr.
«Árbir óńirdiń, oblystyń óz deregi bar. Degenmen, erteń keshki saǵat 18.00-ge deiin kýálik alýǵa bolady. Osy referendýmǵa daýys berý quqyǵy bar azamattarymyz daýys berý úshin ýchaskelerge júginip, esepten shyǵarý kýáligin alyp, ózderine yńǵaily ýchaskede daýys bere alady. Ortalyq referendým komissiiasy, elimizdiń barlyq ókiletti organdary referendým jaiynda aqparattandyrý úshin bárin jasady. Sonymen qatar elektrondy júieni paidalanyp, tizimnen ózin tekserý múmkindigin berdi», - dedi OSK tóraǵasy.
