QR Premer-Ministri Asqar Maminniń tóraǵalyǵymen ótken Úkimet otyrysynda QR bilim jáne ǵylym ministri Ashat Aimaǵambetov Ulttyq biryńǵai testileýdi ótkizýge daiyndyq barysy týraly baiandady, dep habarlaidy "Ult aqparat".
Biyl Qazaqstanda JOO-larǵa túsýge niet etýshiler sany 117 myńnan asady. Bilim berý grantyn alýǵa jáne memleket esebinen bilim alýǵa úmittenýshiler úshin biyl testileý 20 maýsymda bastalady.
QR Úkimetiniń basshysy óńirlerdiń ákimderine oqýshylardyń UBT-ǵa qatysýyn uiymdastyrý máselesin baqylaýǵa alýdy tapsyrdy.
«2017 jyldan beri testileý erkin túrde jáne joǵarǵy oqý oryndaryna túsetinder úshin ǵana ótkizilip keledi. Biyl mundai túlekterdiń sany 117 myńnan asatynyn kórip otyrmyz. Bilim jáne ǵylym ministri atap ótkendei, ýniversitetterdiń aqyly bólimine túsýge niet bildirgender úshin UBT ótkizildi. Al 26 maýsymnan bastap bilim berý grantyn memleket esebinen oqyǵysy keletinder úshin testileý bastalady. UBT ótkizýge daiyndyqty tolyǵymen qamtamasyz etý kerek. BǴM mindeti - testileý ótkiziletin barlyq orynnyń jumysyn naqty úilestirý. Ishki ister, Densaýlyq saqtaý ministrlikteri, Ulttyq qaýipsizdik komitetimen birge UBT tapsyrýdy qamtamasyz etý barlyq sharalardy qabyldaýy tiis. Talapkerlerdi tekserýdi ádeptilikpen jedel júrgizý qajet. UBT ótkizýge daiyndyq 100% qamtamasyz etilýi kerek», - dedi Asqar Uzaqbaiuly.
