قر پرەمەر-مينيسترٸ اسقار ماميننٸڭ تٶراعالىعىمەن ٶتكەن ٷكٸمەت وتىرىسىندا قر بٸلٸم جەنە عىلىم مينيسترٸ اسحات ايماعامبەتوۆ ۇلتتىق بٸرىڭعاي تەستٸلەۋدٸ ٶتكٸزۋگە دايىندىق بارىسى تۋرالى باياندادى, دەپ حابارلايدى "ۇلت اقپارات".
بيىل قازاقستاندا جوو-لارعا تٷسۋگە نيەت ەتۋشٸلەر سانى 117 مىڭنان اسادى. بٸلٸم بەرۋ گرانتىن الۋعا جەنە مەملەكەت ەسەبٸنەن بٸلٸم الۋعا ٷمٸتتەنۋشٸلەر ٷشٸن بيىل تەستٸلەۋ 20 ماۋسىمدا باستالادى.
قر ٷكٸمەتٸنٸڭ باسشىسى ٶڭٸرلەردٸڭ ەكٸمدەرٸنە وقۋشىلاردىڭ ۇبت-عا قاتىسۋىن ۇيىمداستىرۋ مەسەلەسٸن باقىلاۋعا الۋدى تاپسىردى.
«2017 جىلدان بەرٸ تەستٸلەۋ ەركٸن تٷردە جەنە جوعارعى وقۋ ورىندارىنا تٷسەتٸندەر ٷشٸن عانا ٶتكٸزٸلٸپ كەلەدٸ. بيىل مۇنداي تٷلەكتەردٸڭ سانى 117 مىڭنان اساتىنىن كٶرٸپ وتىرمىز. بٸلٸم جەنە عىلىم مينيسترٸ اتاپ ٶتكەندەي, ۋنيۆەرسيتەتتەردٸڭ اقىلى بٶلٸمٸنە تٷسۋگە نيەت بٸلدٸرگەندەر ٷشٸن ۇبت ٶتكٸزٸلدٸ. ال 26 ماۋسىمنان باستاپ بٸلٸم بەرۋ گرانتىن مەملەكەت ەسەبٸنەن وقىعىسى كەلەتٸندەر ٷشٸن تەستٸلەۋ باستالادى. ۇبت ٶتكٸزۋگە دايىندىقتى تولىعىمەن قامتاماسىز ەتۋ كەرەك. بعم مٸندەتٸ - تەستٸلەۋ ٶتكٸزٸلەتٸن بارلىق ورىننىڭ جۇمىسىن ناقتى ٷيلەستٸرۋ. ٸشكٸ ٸستەر, دەنساۋلىق ساقتاۋ مينيسترلٸكتەرٸ, ۇلتتىق قاۋٸپسٸزدٸك كوميتەتٸمەن بٸرگە ۇبت تاپسىرۋدى قامتاماسىز ەتۋ بارلىق شارالاردى قابىلداۋى تيٸس. تالاپكەرلەردٸ تەكسەرۋدٸ ەدەپتٸلٸكپەن جەدەل جٷرگٸزۋ قاجەت. ۇبت ٶتكٸزۋگە دايىندىق 100% قامتاماسىز ەتٸلۋٸ كەرەك», - دەدٸ اسقار ۇزاقبايۇلى.
