Foto: Aikyn.kz
Pavlodarda UBT-ǵa kómektesemin dep 1 mln teńge alǵan burynǵy muǵalim ustaldy, - dep habarlaidy Ult.kz Polisia.kz-ke silteme jasap.
Politsiiaǵa jábirlenýshi er adam júginip, Pavlodar qalasyndaǵy mektepterdiń birinde buryn muǵalim bolyp jumys istegen azamattyń UBT-ny tapsyrýǵa kómek kórsetemin degen jeleýmen ózinen 1 mln teńge kóleminde aqsha alǵanyn habarlaǵan.
Atalǵan derek boiynsha sotqa deiingi tergep-tekserý bastaldy. Qazirgi ýaqytta kúdiktiniń óńir aýmaǵynda osyǵan uqsas ózge de qylmystarǵa qatystylyǵy tekserilip jatyr.
Politsiia azamattarǵa eger osyndai alaiaqtyq áreketterdiń qurbany bolsa, birden quqyq qorǵaý organdaryna júginýdi eskertedi.
Aita keteiik, biylǵy jyldyń basynan beri Pavlodar oblysynda 1872 kiberqylmys tirkelgen.
