UBT tapsyrýdyń 1-shi áreketi kezinde tártip buzǵandarǵa ekinshi múmkindik berilmeidi. Bul týraly Almaty qalasy bilim basqarmasy jalpy orta bilim berý bóliminiń basshysy Aqmaral Aitýarova onlain brifing barysynda aitty, dep habarlaidy "Ult aqparat".
Aqmaral Aitýarovanyń aitýynsha, biyl aqparattyq qaýipsizdikti qamtamasyz etýge erekshe kóńil bólindi, testileý protsesi shifrlaý elementteri bar arnaiy baǵdarlamalar arqyly júzege asyrylady, sondyqtan internetke qosylýdyń basqa da tásilderi qoldanylmaidy.
Burynǵydai kez-kelgen gadjetti, uialy telefondardy, saǵattardy, symdy jáne symsyz qulaqqaptardy, shpargalkalardy jáne kalkýliatorlardy alyp júrýge tyiym salynady.
«UBT tapsyrýdyń 1-shi áreketi kezinde tártip buzylǵan jaǵdaida ekinshi múmkindik berilmeidi. UBT tapsyrýdyń 2-shi áreketi kezinde tártip buzýshylyqqa jol berilse, túlek grant alý konkýrsyna qatysý quqyǵynan aiyrylady», - deidi Aqmaral Aitýarova.
Sonymen qatar, ol UBT tapsyrýǵa ketetin shyǵynyń qysqarǵanyn tilge tiek etti.
«Biyl UBT tapsyrýǵa ketetin shyǵyn aitarlyqtai qysqarady. Suraq kitapshalaryn, jaýap paraqtaryn jáne basqa qujattardy basyp shyǵarýdyń qajeti joq. Buǵan deiin QR Bilim jáne ǵylym ministrliginde habarlaǵandai, biyl UBT-da 600 million teńge únemdeledi. Kelesi jyldary bul soma azaiady, óitkeni biyl UBT-ny elektrondy formatqa aýystyrý shyǵyndary boldy», - deidi ol.
Aita keteiik, biylǵy oqý jylynda qalanyń orta bilim berý uiymdarynda 11 337 túlek mektepti bitiredi.
