Búgin Úkimet otyrysynda QR Bilim jáne ǵylym ministri Ashat Aimaǵambetov bilim granty ortasha alǵanda 340-420 myńnan 900 myń teńgege deiin ósiriletinin jáne UBT tapsyrý elektrondy formatqa kóshiriletinin aitty, – dep habarlaidy «Ult aqparat».
«Jas maman» jobasy boiynsha 180 kolledjdiń materialdyq-tehnikalyq bazasy jańartylady. Ol úshin biýdjetten 58 mlrd teńge qarastyryldy. Tegin kásibi tehnikalyq bilim baǵdarlamasymen jyl saiyn 100 myń stýdentti qamtityn bolamyz. Al dýaldy oqýmen qamtylǵan stýdentterdiń sany 35 paiyzǵa jetedi. Kolledj stýdentterin jumysqa ornalastyrý kórsetkishi 60-tan 75 paiyzǵa deiin jetetin bolady. Joǵary bilim baǵdarlamalaryn kásibi standarttarǵa negizdep, 100 paiyz jańartý mindeti tur. Shetel stýdentteriniń sany jalpy kontigenttiń 10 paiyzyn quraityn bolady. Bilim granttaryn ortasha alǵanda 340-420 myńnan 900 myń teńgege deiin ósirý arqyly professorlyq-oqytýshylyq quramnyń eńbekaqysyn kóterý, ýniversitetterdiń materialdyq bazasyn jaqsartý qarastyrylyp otyr. Bul kópten kútken jańalyq. Shyny kerek 2011 jyldan bastap grant quny jalpy ózgermegen. Osyǵan biýdjetten 244 mln teńge qarastyryldy«» dedi 2025 jylǵa deiin Qazaqstanda bilim men ǵylymdy damytýdyń memlekettik baǵdarlamasyn tanystyrǵan Ashat Aimaǵambetov.
Onyń aitýynsha, 10 ýniversitette akademiialyq basymdyq ortalyqtaryn qurý úshin 21 mlrd teńge bólinip, 10 ýniversitet álemniń úzdik 500 ýniversitetiniń qataryna kiretin bolady.
«Buǵan qosa UBT tapsyrý elektrondy formatqa kóshiriledi. Granttardyń birneshe túri engizilip, joǵary oqý ornynyń qoljetimdiligi, ashyqtyǵy qamtamasyz etildi. Sonymen qatar 2025 jylǵa deiin 90 myń orynǵa arnalǵan jataqhana alynady. Pedagogika mamandaryn daiyndaityn ýniversitetter sany búgingi kúni - 85. Osy ýniversitetter boiynsha biz qosymsha talap qoiyp, onyń sanyn áldeqaida azaityp, materialdyq bazasyn nyǵaitamyz. Bizge pedagogterdi daiyndaý óte mańyzdy másele» dedi ministr.
