Ulttyq testileý ortalyǵynyń jańa basshysy Didar Smaǵulov Feisbýk paraqshasynda UBT bastalǵan birinshi kúnnen-aq tanys-tamyrlary habarlasyp, «ótinishter» aityp jatqanyn jazdy.
«Dostar, birinshi kúnnen-aq osyndai post jazǵanym kóńilime jaqpaidy, biraq týǵan-týys, dos-jaranymnyń keibiri munda ne úshin kelgenimdi durys túsinbegen siiaqty. Men jemqorlyqqa qarsy agenttikten jemqorlyq eń kóp jailaǵan salalardyń birine bireýge test tapsyrýǵa nemese smartfon alyp kirýge kómektesýge kelgen joqpyn. Mundai ótinishter namysyma tiedi. Keibireýler telefon soǵyp, quttyqtap, máseleni «sheship bershi» dep surap úlgerip jatyr» dep jazdy ol.
«Ózimiz ǵoi» degen sóz ótpeitinin alǵa tartqan Didar Smaǵulov taǵy qaitalansa zań buzýdy ótingendermen bailanysyn úzetinin málimdedi.
Aita keteiik, testileý ortalyǵynyń jańa basshysy D.Smaǵulov buǵan deiin sybailas jemqorlyqqa qarsy is-qimyl agenttiginiń departamenti direktorynyń orynbasary bolyp qyzmet etken.
