Ulttyq testileý ortalyǵynyń basshysy Ramazan Álimqulov UBT-nyń úsh kúniniń qorytyndysyn jariialady, dep xabarlaidy QazAqparat tilshisi.
«UBT-nyń ekinshi kúni 61 098 mektep bitirýshi synaqtan ótýge tirkelgen bolatyn, alaida testileýge naqty 58 967 túlek qatysty. Qatysýshylar sany byltyrǵy kórsetkishpen salystyrǵanda 1% ósip tur. Olardyń 85,6% nemese 50 468 mektep bitirýshi shekti balldy jinai aldy, iaǵni byltyrǵymen salystyrǵanda 1,5 protsentke ósý bar. Shekti balldy jinai almaǵandar sany 1 paiyzǵa tómendedi, 8 499 adam synaqtan óte almady», - dedi QR BǴM «Ulttyq testileý ortalyǵy» RMQK direktory Ramazan Álimqulov Ortalyq kommýnikatsiialar qyzmetinde ótken baspasóz máslihatynda.
Ortalyq direktorynyń aitýynsha, ázirge Qazaqstan boiynsha ortasha ball - 83, byltyrǵy kezeńde ortasha kórsetkish - 80 ball bolǵan edi.
«Eń joǵary ball Almaty qalasynda, T. Rysqulov atyndaǵy ulttyq ekonomikalyq ýniversitette tirkeldi. Almatylyq Hamzin Dáýlet Azatuly 139 ball jinady. Ókinishke qarai, eń joǵarǵy 140 balldy áli eshkim jinaǵan joq. Biraq, testileý jumystary áli bes kún boiy júredi, sondyqtan naǵyz bilimdi túlekterimiz 140 balldy alaryna úmittimiz», - dedi ol.
Respýblika boiynsha 704 mektep bitirýshi 130-139 ball aralyǵynda nátije kórsetken.
Eske sala keteiik, UBT-2018 nətijelerin endigi kezekte Telegram-bot @edu.gov.kz nemese edu.mail.kz saity arqyly úiden shyqpai-aq bilýge bolady: ol úshin testileýge qatysatyn ərbir talapkerge beriletin TJK (test tapsyrýshynyń jeke kodyn) engizý qajet.
Sondai-aq, testileý qorytyndylaryn Ulttyq testileý ortalyǵynyń saitynan da bilýge bolady. Bul oraida testileý nətijelerin TJK arqyly ərbir talapker ózi ǵana kóre alady. Joǵaryda kórsetilgen resýrstarǵa UBT nətijeleri aqparattyń óńdelýine qarai jariialanyp otyrady.
Biyl respýblika boiynsha mektep bitirýshilerdiń 70%, iaǵni 102 myńy UBT tapsyrady. Mektep bitirgen 147 myń túlektiń basym bóligi UBT-ny qazaq tilinde tapsyrady.
UBT-da jalpy 80 myń suraq bolady. 2018 jylǵa arnalǵan Ulttyq biryńǵai testi suraqtary 50 paiyzǵa jańartylǵan.
Qazaqstandyq mektep bitirýshilerge Ulttyq biryńǵai testileýden ótýge eki ret múmkindik beriledi. Ekeýinde de qajetti ball jinai almaǵan balalar JOO-ǵa shartty túrde qabyldanady.
