ۇلتتىق تەستٸلەۋ ورتالىعىنىڭ باسشىسى رامازان ەلٸمقۇلوۆ ۇبت-نىڭ ٷش كٷنٸنٸڭ قورىتىندىسىن جارييالادى, دەپ xابارلايدى قازاقپارات تٸلشٸسٸ.
«ۇبت-نىڭ ەكٸنشٸ كٷنٸ 61 098 مەكتەپ بٸتٸرۋشٸ سىناقتان ٶتۋگە تٸركەلگەن بولاتىن, الايدا تەستٸلەۋگە ناقتى 58 967 تٷلەك قاتىستى. قاتىسۋشىلار سانى بىلتىرعى كٶرسەتكٸشپەن سالىستىرعاندا 1% ٶسٸپ تۇر. ولاردىڭ 85,6% نەمەسە 50 468 مەكتەپ بٸتٸرۋشٸ شەكتٸ باللدى جيناي الدى, ياعني بىلتىرعىمەن سالىستىرعاندا 1,5 پروتسەنتكە ٶسۋ بار. شەكتٸ باللدى جيناي الماعاندار سانى 1 پايىزعا تٶمەندەدٸ, 8 499 ادام سىناقتان ٶتە المادى», - دەدٸ قر بعم «ۇلتتىق تەستٸلەۋ ورتالىعى» رمقك ديرەكتورى رامازان ەلٸمقۇلوۆ ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
ورتالىق ديرەكتورىنىڭ ايتۋىنشا, ەزٸرگە قازاقستان بويىنشا ورتاشا بالل - 83, بىلتىرعى كەزەڭدە ورتاشا كٶرسەتكٸش - 80 بالل بولعان ەدٸ.
«ەڭ جوعارى بالل الماتى قالاسىندا, ت. رىسقۇلوۆ اتىنداعى ۇلتتىق ەكونوميكالىق ۋنيۆەرسيتەتتە تٸركەلدٸ. الماتىلىق حامزين دەۋلەت ازاتۇلى 139 بالل جينادى. ٶكٸنٸشكە قاراي, ەڭ جوعارعى 140 باللدى ەلٸ ەشكٸم جيناعان جوق. بٸراق, تەستٸلەۋ جۇمىستارى ەلٸ بەس كٷن بويى جٷرەدٸ, سوندىقتان ناعىز بٸلٸمدٸ تٷلەكتەرٸمٸز 140 باللدى الارىنا ٷمٸتتٸمٸز», - دەدٸ ول.
رەسپۋبليكا بويىنشا 704 مەكتەپ بٸتٸرۋشٸ 130-139 بالل ارالىعىندا نەتيجە كٶرسەتكەن.
ەسكە سالا كەتەيٸك, ۇبت-2018 نəتيجەلەرٸن ەندٸگٸ كەزەكتە Telegram-بوت @edu.gov.kz نەمەسە edu.mail.kz سايتى ارقىلى ٷيدەن شىقپاي-اق بٸلۋگە بولادى: ول ٷشٸن تەستٸلەۋگە قاتىساتىن əربٸر تالاپكەرگە بەرٸلەتٸن تجك (تەست تاپسىرۋشىنىڭ جەكە كودىن) ەنگٸزۋ قاجەت.
سونداي-اق, تەستٸلەۋ قورىتىندىلارىن ۇلتتىق تەستٸلەۋ ورتالىعىنىڭ سايتىنان دا بٸلۋگە بولادى. بۇل ورايدا تەستٸلەۋ نəتيجەلەرٸن تجك ارقىلى əربٸر تالاپكەر ٶزٸ عانا كٶرە الادى. جوعارىدا كٶرسەتٸلگەن رەسۋرستارعا ۇبت نəتيجەلەرٸ اقپاراتتىڭ ٶڭدەلۋٸنە قاراي جارييالانىپ وتىرادى.
بيىل رەسپۋبليكا بويىنشا مەكتەپ بٸتٸرۋشٸلەردٸڭ 70%, ياعني 102 مىڭى ۇبت تاپسىرادى. مەكتەپ بٸتٸرگەن 147 مىڭ تٷلەكتٸڭ باسىم بٶلٸگٸ ۇبت-نى قازاق تٸلٸندە تاپسىرادى.
ۇبت-دا جالپى 80 مىڭ سۇراق بولادى. 2018 جىلعا ارنالعان ۇلتتىق بٸرىڭعاي تەستٸ سۇراقتارى 50 پايىزعا جاڭارتىلعان.
قازاقستاندىق مەكتەپ بٸتٸرۋشٸلەرگە ۇلتتىق بٸرىڭعاي تەستٸلەۋدەن ٶتۋگە ەكٸ رەت مٷمكٸندٸك بەرٸلەدٸ. ەكەۋٸندە دە قاجەتتٸ بالل جيناي الماعان بالالار جوو-عا شارتتى تٷردە قابىلدانادى.
