UBT-nyń tegin synaq testileýi iske qosyldy, dep habarlaidy "Ult aqparat" Bilim jáne ǵylym ministrligine silteme jasap.
Synaqtan Ulttyq testileý ortalyǵynyń prob-ent.testcenter.kz saitynda onlain ótýge bolady. Testilenýshi synaqqa qatysý úshin bar bolǵany JSN-yn engizip, beiindik pánder kombinatsiiasyn tańdai alady.
Talapker synaq testileýinen ótý kezinde test tapsyrmalarymen tanysyp, tańdalǵan pánder boiynsha bilim deńgeiin tekserýge múmkindik alyp otyr.
Biyl erekshe qajettilikteri bar balalarǵa arnaiy jaǵdai jasaldy. UBT kezinde qosymsha 40 minýt qosyldy. Sonymen qatar biyl bul talapkerler úshin alǵash ret sýretsiz, syzbasyz jáne diagrammasyz tapsyrmalar ázirlendi.
Biylǵy UBT-nyń taǵy bir jańalyǵy – ár pánge jeke taqyryptyq taldaý júrgizý. Bul balalardyń óz bilimin shyńdaýyna úlken múmkindik.
UBT-ǵa daiyndyq boiynsha tegin onlain sabaqtardyń sany artty.
Eń bastysy byltyrdan bastap talapkerlerge kalkýliator, Mendeleev kestesin jáne tuzdyń erigishtik kestesin paidalanýǵa ruqsat etildi. Bul - talapkerler úshin keremet jeńildik.
Onlain synaq Ulttyq biliktilik testileýin tapsyratyn pedagogter úshin de qoljetimdi. Muǵalimder prob-nqt.testcenter.kz siltemesi arqyly synaqtan óte alady.
