Ulttyq biryńǵai testileýdiń ótý barysyn onlain rejimde baqylaýǵa bolady, dep habarlaidy "Ult aqparat" QR BǴM baspasóz qyzmetine silteme jasap.
"Biylǵy jyly Ulttyq biryńǵai testileýdiń ótý barysyn onlain rejimde baqylaýǵa múmkindik týyp otyr. Ol úshin www.ivideon.com/tv/map bultty qyzmet kórsetý saityna kirý qajet. UBT ótkizý pýnktteri Qazaqstan kartasynda kórsetilgen, iaǵni qajetti aýditoriianyń kamerasyn onyń geografiialyq ornalasýymen taýyp alýǵa bolady" delingen habarlamada.
Aita ketsek, búgin 42 UBT ótkizý pýnktterinde 16 468 mektep bitirýshi testileýden ótýde.
2017 jyly Ulttyq biryńǵai testileý maýsymnyń 20-sy men 1-i shilde aralyǵynda ótkiziledi.
Aǵymdaǵy jyly UBT-ny 92827 túsýshi tapsyrady, onyń ishinde: 69209 qazaq tilinde jáne 23618 orys tilinde.
20 maýsym kúni testileýge 16 468 bitirýshi qatysady, onyń ishinde qazaq tilinde – 12 929, orys tilinde – 3539. Testileý 165 UBT ótkizý pýnktine (budan ári – UBTÓP) ótedi. Maksimaldy ball sany 140.
Testileý nátijesimen kelispegen túsýshiler kelesi kúni saǵat 13:00-ge deiin árbir pýnktte qurylǵan apelliatsiialyq komissiiaǵa shaǵymdanýǵa quqyqtary bolady. Apelliatsiiaǵa ótinishter test tapsyrmalarynyń mazmuny boiynsha da, tehnikalyq sebepter boiynsha da qabyldanady.
Apelliatsiiaǵa ótinishti berý barysynda bitirýshiniń árbir test tapsyrmasy boiynsha testileý nátijelerimen kelispeitin negizdemesimen berý kerek.
Sonymen qatar, ótý deńgeiinen óte almaǵan túsýshiler aǵymdaǵy jyly qaita UBT tapsyrý arqyly joǵary oqý oryndarynyń aqyly negizde oqýǵa túsýine quqyly. UBT-ǵa qatysý úshin ótinishter joǵary oqý oryndarynyń qabyldaý komissiialarynda tamyz aiynyń 1-si men 8-i aralyǵynda qabyldanady, al testileý tamyz aiynyń 19-y men 24-i aralyǵynda ótkiziledi.
