Búgin, 7 tamyzda Qazaqstanda 2026–2027 oqý jylyna arnalǵan memlekettik bilim berý granttary konkýrsynyń qorytyndysy jariialandy, dep habarlaidy ult.kz.
Ǵylym jáne joǵary bilim ministrliginiń tizimdi saǵat 15:00-de jariialady. Talapkerler óz nátijesin myna tizimnen teksere alady.
Biyl negizgi Ulttyq biryńǵai testileýge shamamen 233 myń talapker qatysty. Olardyń 76 paiyzy shekti ball jinap, memlekettik bilim berý granty konkýrsyna qatysý quqyǵyna ie bolǵan.
2026 jylǵy negizgi UBT qorytyndysy boiynsha 890 ereje buzýshylyq anyqtalǵan.
522 talapker smartfon, shpargalka jáne basqa tyiym salynǵan zattardy alyp kirýge áreket jasaǵany úshin testileýge jiberilmegen;
361 adam testileý kezinde ereje buzǵany úshin aýditoriiadan shyǵarylyp, nátijesi joiylǵan;
Beinejazbalardy tekserý nátijesinde taǵy 7 adamnyń nátijesi joiylǵan.
Biyl granttardyń basym bóligi injenerlik-tehnikalyq baǵyttarǵa bólingen. Ministrlik málimetinshe, jańa oqý jylynda bul salaǵa granttardyń jartysynan kóbi qarastyrylǵan.
Aita keteiik, 2025–2026 oqý jylyna bakalavriatqa 77 myńnan astam memlekettik grantbólindi.
Al jalpy JOO-larǵa 2025–2026 oqý jylynda 208,9 myń stýdent qabyldanǵan. Bul tek grant emes, aqyly bólimge túskenderdi de qamtidy.
Memleket basshysynyń tapsyrmasyna sáikes, bilim berý granttarynyń 60%-y búginde eldiń indýstriialyq jáne tehnologiialyq damýy úshin strategiialyq mańyzǵa ie injenerlik jáne tehnikalyq daiarlaý baǵyttaryna bólindi.
Óńirlerdi bilikti mamandarmen qamtamasyz etý máselesine de erekshe kóńil bólindi. «Serpin» jobasy aiasynda eki myńnan astam grant iegeri Soltústik, Shyǵys jáne Ortalyq Qazaqstandaǵy jetekshi joǵary oqý oryndarynda bilim alady.
