بٷگٸن, 7 تامىزدا قازاقستاندا 2026–2027 وقۋ جىلىنا ارنالعان مەملەكەتتٸك بٸلٸم بەرۋ گرانتتارى كونكۋرسىنىڭ قورىتىندىسى جارييالاندى, دەپ حابارلايدى ult.kz.
عىلىم جەنە جوعارى بٸلٸم مينيسترلٸگٸنٸڭ تٸزٸمدٸ ساعات 15:00-دە جارييالادى. تالاپكەرلەر ٶز نەتيجەسٸن مىنا تٸزٸمنەن تەكسەرە الادى.
بيىل نەگٸزگٸ ۇلتتىق بٸرىڭعاي تەستٸلەۋگە شامامەن 233 مىڭ تالاپكەر قاتىستى. ولاردىڭ 76 پايىزى شەكتٸ بالل جيناپ, مەملەكەتتٸك بٸلٸم بەرۋ گرانتى كونكۋرسىنا قاتىسۋ قۇقىعىنا يە بولعان.
2026 جىلعى نەگٸزگٸ ۇبت قورىتىندىسى بويىنشا 890 ەرەجە بۇزۋشىلىق انىقتالعان.
522 تالاپكەر سمارتفون, شپارگالكا جەنە باسقا تىيىم سالىنعان زاتتاردى الىپ كٸرۋگە ەرەكەت جاساعانى ٷشٸن تەستٸلەۋگە جٸبەرٸلمەگەن;
361 ادام تەستٸلەۋ كەزٸندە ەرەجە بۇزعانى ٷشٸن اۋديتورييادان شىعارىلىپ, نەتيجەسٸ جويىلعان;
بەينەجازبالاردى تەكسەرۋ نەتيجەسٸندە تاعى 7 ادامنىڭ نەتيجەسٸ جويىلعان.
بيىل گرانتتاردىڭ باسىم بٶلٸگٸ ينجەنەرلٸك-تەحنيكالىق باعىتتارعا بٶلٸنگەن. مينيسترلٸك مەلٸمەتٸنشە, جاڭا وقۋ جىلىندا بۇل سالاعا گرانتتاردىڭ جارتىسىنان كٶبٸ قاراستىرىلعان.
ايتا كەتەيٸك, 2025–2026 وقۋ جىلىنا باكالاۆرياتقا 77 مىڭنان استام مەملەكەتتٸك گرانتبٶلٸندٸ.
ال جالپى جوو-لارعا 2025–2026 وقۋ جىلىندا 208,9 مىڭ ستۋدەنت قابىلدانعان. بۇل تەك گرانت ەمەس, اقىلى بٶلٸمگە تٷسكەندەردٸ دە قامتيدى.
مەملەكەت باسشىسىنىڭ تاپسىرماسىنا سەيكەس, بٸلٸم بەرۋ گرانتتارىنىڭ 60%-ى بٷگٸندە ەلدٸڭ يندۋسترييالىق جەنە تەحنولوگييالىق دامۋى ٷشٸن ستراتەگييالىق ماڭىزعا يە ينجەنەرلٸك جەنە تەحنيكالىق دايارلاۋ باعىتتارىنا بٶلٸندٸ.
ٶڭٸرلەردٸ بٸلٸكتٸ ماماندارمەن قامتاماسىز ەتۋ مەسەلەسٸنە دە ەرەكشە كٶڭٸل بٶلٸندٸ. «سەرپٸن» جوباسى اياسىندا ەكٸ مىڭنان استام گرانت يەگەرٸ سولتٷستٸك, شىعىس جەنە ورتالىق قازاقستانداعى جەتەكشٸ جوعارى وقۋ ورىندارىندا بٸلٸم الادى.
