Foto: Ortkom
Qazaqstan aýmaǵynda ýaqyt beldeýiniń aýysqanyna eki jylǵa jýyqtap qaldy. Kúnniń erte atyp, erte batýy ásirese shyǵys halqyna qolaisyzdyq týǵyzdy. Osy ýaqyt ishinde Shyǵys qazaqstandyqtar qarańǵyda júrýge májbúr ekenderin aityp, shaǵymdanýmen keledi. Sebebi oblystaǵy aýyl-aimaq, irili-usaqty qalalardyń ózinde kósheler tolyq kóshe shamdarymen qamtylmaǵan. Sondyqtan Ult.kz tilshisi «Shyǵys Qazaqstan oblysynyń áleýmettik-ekonomikalyq damýy týraly» brifingte oblys ákimi Nurymbet Saqtaǵanovtan kóshelerdi jaryqtandyrý máselesi tóńireginde surap bildi.Ult.kz: Ýaqyttyń ózgerýine bailanysty kún erte batatyndyqtan halyq kóshelerdiń durys jaryqtandyrylmaǵanyna shaǵymdanyp jatyr. Bul másele nege áli kúnge deiin sheshimin tappai keledi? Kóshelerdiń jaryqtandyrylýyn retke keltirý josparda bar ma?
Nurymbet Saqtaǵanovtyń aitýynsha bul másele kóshelerdi jaryqtandyrý jobasyn jasaýǵa mindettelgen mekemeniń zań buzýyniń sebebinen másele sheshilmei jatyr.
«Kóshelerdi jaryqtandyrý máselesi saǵattyń ózgerýine bailanysty emes, Eýropalyq qaita qurý jáne damý banki ýaqytynda tiisti jaryqtandyrý máselesin modernizatsiia jasaý jobasyn iske asyrǵan. Sol jobany iske asyrý kezinde kei bir keleńsizdikter, zań buzýshylyqtar bolyp, oǵan qatysty adamdar tiisti jazalaryn alyp, sottaldy. Qazirgi tańda kóshelerdegi jaryqtyń óshýi 20 paiyzǵa deiin bolǵan, sony biz 5 paiyzdan azdaý jaǵdaiǵa jetkizý úshin tiisti jumystardy júrgizip jatyrmyz. Ret-retimen bul másele tolyq sheshiletin bolady», ‒ dedi Nurymbet Saqtaǵanov.
Al tilshi bul másele qai ýaqytqa deiin sheshiletinin naqtylap surǵanda, ákim qalanyń jaryqtandyrý máselesi 2026 jyldyń birinshi jarty jyldyǵynda sheshilip qalatynyn jetkizdi.
