فوتو: ورتكوم
قازاقستان اۋماعىندا ۋاقىت بەلدەۋٸنٸڭ اۋىسقانىنا ەكٸ جىلعا جۋىقتاپ قالدى. كٷننٸڭ ەرتە اتىپ, ەرتە باتۋى ەسٸرەسە شىعىس حالقىنا قولايسىزدىق تۋعىزدى. وسى ۋاقىت ٸشٸندە شىعىس قازاقستاندىقتار قاراڭعىدا جٷرۋگە مەجبٷر ەكەندەرٸن ايتىپ, شاعىمدانۋمەن كەلەدٸ. سەبەبٸ وبلىستاعى اۋىل-ايماق, ٸرٸلٸ-ۇساقتى قالالاردىڭ ٶزٸندە كٶشەلەر تولىق كٶشە شامدارىمەن قامتىلماعان. سوندىقتان Ult.kz تٸلشٸسٸ «شىعىس قازاقستان وبلىسىنىڭ ەلەۋمەتتٸك-ەكونوميكالىق دامۋى تۋرالى» بريفينگتە وبلىس ەكٸمٸ نۇرىمبەت ساقتاعانوۆتان كٶشەلەردٸ جارىقتاندىرۋ مەسەلەسٸ تٶڭٸرەگٸندە سۇراپ بٸلدٸ.Ult.kz: ۋاقىتتىڭ ٶزگەرۋٸنە بايلانىستى كٷن ەرتە باتاتىندىقتان حالىق كٶشەلەردٸڭ دۇرىس جارىقتاندىرىلماعانىنا شاعىمدانىپ جاتىر. بۇل مەسەلە نەگە ەلٸ كٷنگە دەيٸن شەشٸمٸن تاپپاي كەلەدٸ? كٶشەلەردٸڭ جارىقتاندىرىلۋىن رەتكە كەلتٸرۋ جوسپاردا بار ما?
نۇرىمبەت ساقتاعانوۆتىڭ ايتۋىنشا بۇل مەسەلە كٶشەلەردٸ جارىقتاندىرۋ جوباسىن جاساۋعا مٸندەتتەلگەن مەكەمەنٸڭ زاڭ بۇزۋىنٸڭ سەبەبٸنەن مەسەلە شەشٸلمەي جاتىر.
«كٶشەلەردٸ جارىقتاندىرۋ مەسەلەسٸ ساعاتتىڭ ٶزگەرۋٸنە بايلانىستى ەمەس, ەۋروپالىق قايتا قۇرۋ جەنە دامۋ بانكٸ ۋاقىتىندا تيٸستٸ جارىقتاندىرۋ مەسەلەسٸن مودەرنيزاتسييا جاساۋ جوباسىن ٸسكە اسىرعان. سول جوبانى ٸسكە اسىرۋ كەزٸندە كەي بٸر كەلەڭسٸزدٸكتەر, زاڭ بۇزۋشىلىقتار بولىپ, وعان قاتىستى ادامدار تيٸستٸ جازالارىن الىپ, سوتتالدى. قازٸرگٸ تاڭدا كٶشەلەردەگٸ جارىقتىڭ ٶشۋٸ 20 پايىزعا دەيٸن بولعان, سونى بٸز 5 پايىزدان ازداۋ جاعدايعا جەتكٸزۋ ٷشٸن تيٸستٸ جۇمىستاردى جٷرگٸزٸپ جاتىرمىز. رەت-رەتٸمەن بۇل مەسەلە تولىق شەشٸلەتٸن بولادى», ‒ دەدٸ نۇرىمبەت ساقتاعانوۆ.
ال تٸلشٸ بۇل مەسەلە قاي ۋاقىتقا دەيٸن شەشٸلەتٸنٸن ناقتىلاپ سۇرعاندا, ەكٸم قالانىڭ جارىقتاندىرۋ مەسەلەسٸ 2026 جىلدىڭ بٸرٸنشٸ جارتى جىلدىعىندا شەشٸلٸپ قالاتىنىن جەتكٸزدٸ.
