Marqum feldsher Uldana Myrzýannyń kúieýi Rýslan Ótepbaiǵa suhbat beremeiin dep, keiin ýádesin buzǵan, dep habarlaidy ult.kz.
Bul týraly jýrnalist jelidegi paraqshasynda aitty.
“Astanaǵa baryp marqum Uldananyń anasynan suhbat alyp qaittym. Biz bilmeitin shyndyq pen sumdyq óte kóp eken. Al Ádilet suhbat beremin dep edi, ýádesinde turmady. Suhbatty 1-2 kúnde YouTube arnama júkteimin”, - dep jazdy ol.
Uldana Myrzýan — Astana qalalyq jedel meditsinalyq járdem stantsiiasynda qyzmet etken 23 jastaǵy feldsher. Ol 2025 jyldyń qarashasynda qyzmettik mindetin atqarý kezinde aýyr jaraqat alyp, birneshe kúnnen keiin aýrýhanada kóz jumdy.
Uldana 2017-2021 jyldary Astanadaǵy «Danalyq» kolledjinde «Emdeý isi» mamandyǵy boiynsha feldsher kásibin meńgerip, oqý ornyn úzdik diplommen támamdaǵan. Oqýyn aiaqtaǵannan keiin shamamen tórt jyl boiy elordalyq jedel járdem stantsiiasynda eńbek etken.
2025 jylǵy 8 qarashada Astanada turǵyn úi ǵimaratynyń kirpish qaptamasy qulap, birneshe adam zardap shekken. Oqiǵa ornyna jedel járdem brigadasy barǵan.
Uldana zardap shekkenderge kómek kórsetý kezinde aýyr jaraqat alǵan. Málimet boiynsha, ol eki adamdy qaýipsiz jerge shyǵarýǵa kómektesken. Úshinshi adamǵa kómek kórsetý kezinde joǵarydan konditsioner qulap, feldsherdiń basyna tigen.
Uldana birneshe kún boiy jansaqtaý bóliminde jatty. Alaida dárigerlerdiń áreketine qaramastan, 2025 jylǵy 18 qarashada aýrýhanada qaitys boldy.
