Foto: © Sputnik
Tótenshe jaǵdailar ministrligi Túrkistan oblysynyń qutqarýshylarynan vedomstvo basshysyna aqsha jinalǵanyn joqqa shyǵardy, dep habarlaidy "Ult aqparat".
"Zýialhan Gasanovtyń Túrkistan oblysynyń qutqarýshylarynan Tótenshe jaǵdailar ministrine aqsha jinaý týraly málimdemesine qatysty.
Bul aqparat shyndyqqa janaspaidy jáne buqaralyq aqparat quraldaryn paidalaný arqyly kezekti arandatýshylyqty iske asyrý bolyp tabylady", - delingen habarlamada.
TJM málimetinshe, buǵan deiin Gasanov Zýialhan (2022 jyly) jala japqany úshin azamattyq-quqyqtyq jaýapkershilikke tartylǵan.
"Aita ketý kerek, bul azamat qazirgi ýaqytta azamattyq qorǵaý organdarynyń qyzmetkeri emes, óitkeni biyl mamyrda teris sebeptermen jumystan shyǵaryldy. Ol birneshe ret osyndai máselelerge qatysty TJM-ge júgindi, biraq tekserý nátijeleri boiynsha kórsetken dálelderi rastalmady. Osyǵan qaramastan, ótinishte aitylǵan árbir fakt boiynsha sybailas jemqorlyqqa qarsy is-qimyl agenttigimen birlesip, qyzmettik tergeý júrgiziledi", - delingen habarlamada.
TJM málimetinshe, vedomstvo óz qatarynda sybailas jemqorlyqty joiý boiynsha barlyq qajetti sharany júzege asyratyny jáne anyqtalǵan árbir fakt boiynsha sharalar qabyldanyp jatqanyn aitty.
"TJM-niń barlyq jeke quramyna, atap aitqanda Túrkistan oblysynyń TJ departamentine habarlaimyz. Bizdiń ministrliktiń barlyq qyzmetkerleri úshin WhatsApp messendjerinde Tótenshe jaǵdailar ministri Syrym Sháriphanovtyń tikelei telefon nómiri + 7 747 651 75 88 jumys isteidi, jedel jáne shuǵyl sheshimderdi qajet etetin problemalyq máselelermen júginýge bolady. Ótinishtiń qupiialylyǵy saqtalady", - delingen vedomstvo habarlamasynda.
"Bul týraly maǵan TJM maiory Zýialhan Gasanov aitty. Ofitserler quramynan 50 myń teńge, qatardaǵylardan 20 myń teńge. Kez kelgen ministr taǵaiyndala salysymen barlyq óńirler belgilenedi me?", – dep jazdy jýrnalist Botagóz Omarova áleýmettik jelide.
