QR Tótenshe jaǵdailar ministri Iýrii Ilin Abai shahtasyndaǵy tótenshe oqiǵa boiynsha qurylǵan Úkimettik komissiianyń tergeý qorytyndysyn tanystyra kelip, qaiǵyly oqiǵanyń sebepterin atady, dep habarlaidy QazAqparat.
«Oqiǵanyń sebepteri týraly aitsaq, komissiia apat bolǵan jerdi eki márte tekserip, kýágerlerden, oqiǵaǵa qatysy bar adamdardan jaýap aldy. Sarapshylardyń qorytyndysy boiynsha metan gazynyń bólinýi jáne taý-ken massasynyń opyrylýynan gazdinamikalyq qubylys týyndap, saldarynan apat bolǵan» - dedi ministr Qaraǵandy oblysynyń óńirlik kommýnikatsiialar qyzmetinde.
Onyń aitýynsha, komissiia osy jazataiym oqiǵaǵa qatysy joq qaishylyqtardy anyqtaǵan. Naqty aitsaq, jumysshylar men tehnikalyq-injenerlik mamandar sany jetkiliksiz bolǵan.
«Ekinshi sebep – jumys berýshi shahta alańdaryndaǵy geologiialyq qaishylyqtarǵa tolyqqandy barlaý júrgizbegen. Úshinshiden, jumys berýshi tehnologiialyq qurylǵy jabdyqtaryn jańartýdy ýaqtyly júrgizbegen. Tórtinshiden, jumys berýshi jumys oryndaryndaǵy barlyq táýekelderdi barynsha azaitatyn jańa tehnologiialar men jabdyqtardy tiisti kólemde engizbegen», - dedi Iýrii Ilin.
Ministr Úkimettik komissiianyń qorytyndy aktileri tergeý organdaryna beriletinin eskertti.
«Avariialyq jaǵdaiǵa kináli laýazymdy adamdardyń qataryn tergeý organdarynyń sheshimi aiqyndaidy. Komissiia óz jumysyn aiaqtady», - dedi Tótenshe jaǵdailar ministri.
