قر تٶتەنشە جاعدايلار مينيسترٸ يۋريي يلين اباي شاحتاسىنداعى تٶتەنشە وقيعا بويىنشا قۇرىلعان ٷكٸمەتتٸك كوميسسييانىڭ تەرگەۋ قورىتىندىسىن تانىستىرا كەلٸپ, قايعىلى وقيعانىڭ سەبەپتەرٸن اتادى, دەپ حابارلايدى قازاقپارات.
«وقيعانىڭ سەبەپتەرٸ تۋرالى ايتساق, كوميسسييا اپات بولعان جەردٸ ەكٸ مەرتە تەكسەرٸپ, كۋەگەرلەردەن, وقيعاعا قاتىسى بار ادامداردان جاۋاپ الدى. ساراپشىلاردىڭ قورىتىندىسى بويىنشا مەتان گازىنىڭ بٶلٸنۋٸ جەنە تاۋ-كەن ماسساسىنىڭ وپىرىلۋىنان گازديناميكالىق قۇبىلىس تۋىنداپ, سالدارىنان اپات بولعان» - دەدٸ مينيستر قاراعاندى وبلىسىنىڭ ٶڭٸرلٸك كوممۋنيكاتسييالار قىزمەتٸندە.
ونىڭ ايتۋىنشا, كوميسسييا وسى جازاتايىم وقيعاعا قاتىسى جوق قايشىلىقتاردى انىقتاعان. ناقتى ايتساق, جۇمىسشىلار مەن تەحنيكالىق-ينجەنەرلٸك ماماندار سانى جەتكٸلٸكسٸز بولعان.
«ەكٸنشٸ سەبەپ – جۇمىس بەرۋشٸ شاحتا الاڭدارىنداعى گەولوگييالىق قايشىلىقتارعا تولىققاندى بارلاۋ جٷرگٸزبەگەن. ٷشٸنشٸدەن, جۇمىس بەرۋشٸ تەحنولوگييالىق قۇرىلعى جابدىقتارىن جاڭارتۋدى ۋاقتىلى جٷرگٸزبەگەن. تٶرتٸنشٸدەن, جۇمىس بەرۋشٸ جۇمىس ورىندارىنداعى بارلىق تەۋەكەلدەردٸ بارىنشا ازايتاتىن جاڭا تەحنولوگييالار مەن جابدىقتاردى تيٸستٸ كٶلەمدە ەنگٸزبەگەن», - دەدٸ يۋريي يلين.
مينيستر ٷكٸمەتتٸك كوميسسييانىڭ قورىتىندى اكتٸلەرٸ تەرگەۋ ورگاندارىنا بەرٸلەتٸنٸن ەسكەرتتٸ.
«اۆارييالىق جاعدايعا كٸنەلٸ لاۋازىمدى ادامداردىڭ قاتارىن تەرگەۋ ورگاندارىنىڭ شەشٸمٸ ايقىندايدى. كوميسسييا ٶز جۇمىسىن اياقتادى», - دەدٸ تٶتەنشە جاعدايلار مينيسترٸ.
