Bokstan 22 jasqa deiingi sportshylar arasyndaǵy Aziia chempionatyna qazaqstandyq sportshylar qatyspaidy. Bul týraly komandanyń bas bapkeri Qairat Sátjanov málimdedi dep habarlaidy Olympic.kz.
«Elimizdegi tótenshe jaǵdaiǵa bailanysty josparlanǵan oqý-jattyǵý jiyndaryn keiinge qaldyrdyq. Naqtylap aitar bolsam, jiyn aqpan aiynda bolady. Al 20 qańtar kúni Tashkentte bastalatyn 22 jasqa deiingi boksshylar arasyndaǵy Aziia birinshiligine de barmaimyz. Óitkeni, tártipsizdikterge bailanysty elden shyǵýǵa ruqsat joq.
Mundai qiyn kezeńde biz birigip, aýyzbirshilik tanytýymyz qajet. Qazir jattyǵý jiyndary da, jarystar da toqtap tur. Degenmen, kelesi aidan bastap barlyq josparymyz ýaqytyly oryndalady dep senemiz», - deidi Qairat Sátjanov.
Bokstan 22 jasqa deiingi sportshylar arasyndaǵy Aziia chempionaty 20-30 qańtar aralyǵynda ótedi.
