بوكستان 22 جاسقا دەيٸنگٸ سپورتشىلار اراسىنداعى ازييا چەمپيوناتىنا قازاقستاندىق سپورتشىلار قاتىسپايدى. بۇل تۋرالى كوماندانىڭ باس باپكەرٸ قايرات سەتجانوۆ مەلٸمدەدٸ دەپ حابارلايدى Olympic.kz.
«ەلٸمٸزدەگٸ تٶتەنشە جاعدايعا بايلانىستى جوسپارلانعان وقۋ-جاتتىعۋ جيىندارىن كەيٸنگە قالدىردىق. ناقتىلاپ ايتار بولسام, جيىن اقپان ايىندا بولادى. ال 20 قاڭتار كٷنٸ تاشكەنتتە باستالاتىن 22 جاسقا دەيٸنگٸ بوكسشىلار اراسىنداعى ازييا بٸرٸنشٸلٸگٸنە دە بارمايمىز. ٶيتكەنٸ, تەرتٸپسٸزدٸكتەرگە بايلانىستى ەلدەن شىعۋعا رۇقسات جوق.
مۇنداي قيىن كەزەڭدە بٸز بٸرٸگٸپ, اۋىزبٸرشٸلٸك تانىتۋىمىز قاجەت. قازٸر جاتتىعۋ جيىندارى دا, جارىستار دا توقتاپ تۇر. دەگەنمەن, كەلەسٸ ايدان باستاپ بارلىق جوسپارىمىز ۋاقىتىلى ورىندالادى دەپ سەنەمٸز», - دەيدٸ قايرات سەتجانوۆ.
بوكستان 22 جاسقا دەيٸنگٸ سپورتشىلار اراسىنداعى ازييا چەمپيوناتى 20-30 قاڭتار ارالىعىندا ٶتەدٸ.
