Pavlodar qalasynda 17 jastaǵy jasóspirim sýǵa batyp kóz jumdy. Qaiǵyly oqiǵa shomylýǵa arnalmaǵan jasandy sý qoimasynda bolǵan, dep habarlaidy ult.kz.
Tótenshe jaǵdailar departamentiniń málimetinshe, 2009 jyly týǵan jasóspirim úi janýarlaryn sýarýǵa arnalǵan sý qoimasyna shomylýǵa barǵan kezde batyp ketken.
Oqiǵa týraly habar túskennen keiin qutqarýshylar dereý izdestirý jumystaryna kiristi. Jedel-qutqarý jasaǵynyń qyzmetkerleri jasóspirimniń denesin taýyp, sýdan alyp shyqqan.
Qazirgi ýaqytta qaiǵyly jaǵdaidyń mán-jaiy anyqtalyp jatyr.
Mamandar atalǵan sý qoimasy shomylýǵa arnalmaǵanyn jáne mundai jerlerde sýǵa túsý ómirge qaýip tóndiretinin eskertti. Sondai-aq ata-analardy balalar men jasóspirimderdi sý aidyndarynyń mańynda qaraýsyz qaldyrmaýǵa jáne sýdaǵy qaýipsizdik erejelerin túsindirýge shaqyrdy.
