Twitter-de dúisenbi kúni basshylyq aýysty: mikroblogtar servisiniń teń quryltaishysy, milliarder Djek Dorsi bas direktor qyzmetinen ketti. Kompaniia reforma júrgizip, Facebook jáne TikTok-pen teń básekege túspek, dep habarlaidy QazAqparat VVS-ge silteme jasap
Dúisenbi kúni Twitter, Inc. kompaniiasy bas direktor Djek Dorsidiń ornyna Twitter-de sońǵy 4 jyl boiy tehnologiialar boiynsha direktor bolǵan Parag Agraval keletinin málim etti.
«Men Twitter-den ketýdi uiǵardym. Sebebi kompaniia onyń negizin qalaýshylardan derbestenip, alǵa jyljýǵa daiyn dep esepteimin. Men Paragqa jańa direktor retinde kámil senemin. Twitter-de eńbek etken sońǵy 10 jylda ol kompaniiany túrlendire tústi», - dep keltiredi Dorsidiń sózin álemdik aqparat agenttikteri.
D.Dorsi Twitter-de kompaniia qyzmetkerlerine arnalǵan qoshtasý hatyn qaldyryp: «Barlyǵy derlik estigenine kúmánim bar, men Twitter-den kettim» dep jazdy.
Facebook jáne TikTok áleýmettik jelilerimen naryq úshin kúresip jatqan Twitter-diń bútin álem boiynsha 400 millionǵa jýyq qoldanýshysy bar. Facebook-te - 2,8 mlrd, TikTok-ta - 1 mlrd qoldanýshy tirkelgen.
Programmist Djek Dorsi Twitter-di onyń negizi qalanǵan – 2006 jyldan beri basqaryp keldi. Qazir 45 jastaǵy Dorsidiń dáýleti 12 mlrd AQSh dollaryna baǵalanýda.
