Halyqaralyq Túrki akademiiasy (TWESCO) Alash ardaqtysy Mustafa Shoqaidyń 130 jyldyǵyna orai halyqaralyq konferentsiia ótkizdi, dep habarlaidy "Ult aqparat".
Búgin sanaly ǵumyryn Túrkistannyń táýelsizdigi men tutastyǵyna arnaǵan Mustafa Shoqaidyń týǵan kúni. Alash ardaqtysy eskishe 1890 jyldyń 25 jeltoqsanynda, jańa kúntizbe boiynsha 1891 jyldyń 7 qańtarynda dúniege kelgen. Biyl túrki áleminiń tuǵyrly tulǵasynyń týǵanyna 130 jyl tolyp otyr.
Osyǵan orai búgin Halyqaralyq Túrki akademiiasy «Mustafa Shoqai jáne Túrkistan ideiasy» atty halyqaralyq onlain-konferentsiia uiymdastyrdy. Akademiia prezidenti Darhan Qydyráli konferentsiiaǵa qatysqan ǵalymdarǵa alǵysyn bildirdi.
«Mustafa Shoqaidyń 130 jyldyǵy Qazaqstan Táýelsizdiginiń 30 jyldyǵyna tuspa-tus kelip otyr. Búgingi sharaǵa Ózbekstannan, Túrkiiadan, Tatarstannan, AQSh-tan, Qazaqstannan belgili ǵalymdar qatysýda. Sizderge kóp rahmet!» - dedi Darhan Qydyráli.
Jiynda túrkolog ǵalym Timýr Qojaoǵly, tarihshy ǵalym Mámbet Qoigeldi, tarih ǵylymdarynyń doktory Ziiabek Qabyldinov, tatardyń qoǵam qairatkeri ári tarihshysy Eskendir Giliazov jáne taǵy basqa ǵalymdar sóilep, Mustafa Shoqaidyń ómiri men túrki birligine qosqan úlesi jaily oi bólisti.
