Foto: © ktk.kz
Hirýrgter óz anasy men ájesi jaraqattaǵan 18 jastaǵy almatylyq Diana Ivanovaǵa jańa kelbet syilady. Dárigerler qyzǵa birden 10-nan asa ota jasady, - dep habarlaidy Tengrinews.kz saity KTK arnasyna silteme jasap.
Bul oqiǵa 12 jyl buryn Diana bas súieginiń synyǵymen jansaqtaý bólimine túskende qoǵamdyq rezonans týdyrǵan. Onyń murny synǵan, qulaǵynyń bir bóligi julynǵan, erinderi zaqymdalǵan. Úzdiksiz uryp-soǵý saldarynan qyzdyń betinde kóptegen tyrtyqtar qalǵan.
Eki ai buryn Almatydaǵy jeke klinikalardyń biriniń dárigerleri qyzǵa tegin kómek kórsetýge bel býǵan.
"Operatsiiaǵa deiin tolqý boldy. Operatsiiadan keiin oianǵanda bári aýyrdy. Biraq bári tez jazylyp ketti, bári jaqsy. Men aýrýhanada tórt kún jattym-aý deimin, biraq men úshin ol óte tez ótti. Úige barǵym keldi, úide tez saýyǵyp kettim", - dep eske alady naýqas.
Operatsiiadan keiingi qalpyna keltirý protsesi taǵy bir jylǵa sozylady. Osy ýaqyt ishinde dárigerler Dianany baqylaidy. Sirá, aýyr meditsinalyq protsedýralar endi qajet bolmaidy. Boijetkenmen kosmetologtar da jumys isteitin bolady.
"Dúisenbide mektepke baramyn. Dostarym kóredi, muǵalimder kóredi, olar qýanady. Mende bári ózgerdi. Dostar kóbeiip, ortam keńeidi. Operatsiiadan keiin ózimdi áldeqaida senimdi sezine bastadym", - deidi Diana Ivanova.
