فوتو: © ktk.kz
حيرۋرگتەر ٶز اناسى مەن ەجەسٸ جاراقاتتاعان 18 جاستاعى الماتىلىق ديانا يۆانوۆاعا جاڭا كەلبەت سىيلادى. دەرٸگەرلەر قىزعا بٸردەن 10-نان اسا وتا جاسادى, - دەپ حابارلايدى Tengrinews.kz سايتى كتك ارناسىنا سٸلتەمە جاساپ.
بۇل وقيعا 12 جىل بۇرىن ديانا باس سٷيەگٸنٸڭ سىنىعىمەن جانساقتاۋ بٶلٸمٸنە تٷسكەندە قوعامدىق رەزونانس تۋدىرعان. ونىڭ مۇرنى سىنعان, قۇلاعىنىڭ بٸر بٶلٸگٸ جۇلىنعان, ەرٸندەرٸ زاقىمدالعان. ٷزدٸكسٸز ۇرىپ-سوعۋ سالدارىنان قىزدىڭ بەتٸندە كٶپتەگەن تىرتىقتار قالعان.
ەكٸ اي بۇرىن الماتىداعى جەكە كلينيكالاردىڭ بٸرٸنٸڭ دەرٸگەرلەرٸ قىزعا تەگٸن كٶمەك كٶرسەتۋگە بەل بۋعان.
"وپەراتسيياعا دەيٸن تولقۋ بولدى. وپەراتسييادان كەيٸن ويانعاندا بەرٸ اۋىردى. بٸراق بەرٸ تەز جازىلىپ كەتتٸ, بەرٸ جاقسى. مەن اۋرۋحانادا تٶرت كٷن جاتتىم-اۋ دەيمٸن, بٸراق مەن ٷشٸن ول ٶتە تەز ٶتتٸ. ٷيگە بارعىم كەلدٸ, ٷيدە تەز ساۋىعىپ كەتتٸم", - دەپ ەسكە الادى ناۋقاس.
وپەراتسييادان كەيٸنگٸ قالپىنا كەلتٸرۋ پروتسەسٸ تاعى بٸر جىلعا سوزىلادى. وسى ۋاقىت ٸشٸندە دەرٸگەرلەر ديانانى باقىلايدى. سٸرە, اۋىر مەديتسينالىق پروتسەدۋرالار ەندٸ قاجەت بولمايدى. بويجەتكەنمەن كوسمەتولوگتار دا جۇمىس ٸستەيتٸن بولادى.
"دٷيسەنبٸدە مەكتەپكە بارامىن. دوستارىم كٶرەدٸ, مۇعالٸمدەر كٶرەدٸ, ولار قۋانادى. مەندە بەرٸ ٶزگەردٸ. دوستار كٶبەيٸپ, ورتام كەڭەيدٸ. وپەراتسييادان كەيٸن ٶزٸمدٸ ەلدەقايدا سەنٸمدٸ سەزٸنە باستادىم", - دەيدٸ ديانا يۆانوۆا.
