Saryaǵash aýdanynyń ákimine Ońtústik Qazaqstan oblysynyń ákimi Janseiit Túimebaevpen kezdesý uiymdastyrýda kemshilikterge jol bergeni úshin eskertý jasaldy, - dep habarlaidy "Ult aqparat" oblys ákiminiń baspasóz qyzmetine silteme jasap.
"Oblys ákiminiń Saryaǵash aýdanyna 29 qarashadaǵy is-sapary barysynda, aýdan ákimdigi tarapynan sharalarǵa daiyndyǵy kezinde kemshilikterge jol berildi. Atap aitsaq, aimaq basshysyna aýdan ortalyǵyndaǵy kitaphananyń ashylý saltanatynyń ýaqyty týraly qate málimet berilgen. Saldarynan ashylý saltanaty belgilengen ýaqytynan kesh ótkizildi. Ashylý saltanatyna jinalǵan adamdarǵa aitarlyqtai ýaqyt kútý kerek boldy", - delingen habarlamada.
Osy kemshilikterge qatysty Saryaǵash aýdanynyń ákimi Qairat Abdýalievke eskertý túrindegi tártiptik jaza qoldanylǵany aitylady.
Munyń aldynda Saryaǵash aýdanynyń turǵyndary OQO ákimin 3 saǵattan asa ýaqyt dalada kútken. Janseiit Túimebaev Saryaǵash qalasynda jańa kitaphanany ashý kerek bolatyn. Jergilikti bilik ashylý sltanatyna jergilikti aqsaqaldar men ózge de jurtshylyqty shaqyryp qoiǵan.
Ashylý 16:00-ge josparlanǵan, alaida, aimaq basshysy keshikkendikten saltanatty shar qarańǵy túskende ótti. OQO ákimi keshikkeni úshin halyqtan keshirim surady.
