سارىاعاش اۋدانىنىڭ ەكٸمٸنە وڭتٷستٸك قازاقستان وبلىسىنىڭ ەكٸمٸ جانسەيٸت تٷيمەباەۆپەن كەزدەسۋ ۇيىمداستىرۋدا كەمشٸلٸكتەرگە جول بەرگەنٸ ٷشٸن ەسكەرتۋ جاسالدى, - دەپ حابارلايدى "ۇلت اقپارات" وبلىس ەكٸمٸنٸڭ باسپاسٶز قىزمەتٸنە سٸلتەمە جاساپ.
"وبلىس ەكٸمٸنٸڭ سارىاعاش اۋدانىنا 29 قاراشاداعى ٸس-ساپارى بارىسىندا, اۋدان ەكٸمدٸگٸ تاراپىنان شارالارعا دايىندىعى كەزٸندە كەمشٸلٸكتەرگە جول بەرٸلدٸ. اتاپ ايتساق, ايماق باسشىسىنا اۋدان ورتالىعىنداعى كٸتاپحانانىڭ اشىلۋ سالتاناتىنىڭ ۋاقىتى تۋرالى قاتە مەلٸمەت بەرٸلگەن. سالدارىنان اشىلۋ سالتاناتى بەلگٸلەنگەن ۋاقىتىنان كەش ٶتكٸزٸلدٸ. اشىلۋ سالتاناتىنا جينالعان ادامدارعا ايتارلىقتاي ۋاقىت كٷتۋ كەرەك بولدى", - دەلٸنگەن حابارلامادا.
وسى كەمشٸلٸكتەرگە قاتىستى سارىاعاش اۋدانىنىڭ ەكٸمٸ قايرات ابدۋاليەۆكە ەسكەرتۋ تٷرٸندەگٸ تەرتٸپتٸك جازا قولدانىلعانى ايتىلادى.
مۇنىڭ الدىندا سارىاعاش اۋدانىنىڭ تۇرعىندارى وقو ەكٸمٸن 3 ساعاتتان اسا ۋاقىت دالادا كٷتكەن. جانسەيٸت تٷيمەباەۆ سارىاعاش قالاسىندا جاڭا كٸتاپحانانى اشۋ كەرەك بولاتىن. جەرگٸلٸكتٸ بيلٸك اشىلۋ سلتاناتىنا جەرگٸلٸكتٸ اقساقالدار مەن ٶزگە دە جۇرتشىلىقتى شاقىرىپ قويعان.
اشىلۋ 16:00-گە جوسپارلانعان, الايدا, ايماق باسشىسى كەشٸككەندٸكتەن سالتاناتتى شار قاراڭعى تٷسكەندە ٶتتٸ. وقو ەكٸمٸ كەشٸككەنٸ ٷشٸن حالىقتان كەشٸرٸم سۇرادى.
