Qazaqstan halqy Assambleiasy Tóraǵasynyń orynbasary – Hatshylyq meńgerýshisi Janseiit Túimebaev Dostyq úileriniń halyqaralyq forýmyna qatysty. Máskeý qalasynda ótken halyqaralyq forým «Eýraziianyń dostyq kópirleri» dep ataldy. Osy jiynda sóz alǵan Janseiit Qanseiituly dostyq pen yntymaqtastyq týraly baiandady, - dep habarlaidy «Ult aqparat».
Óz sózinde Janseiit Túimebaev eýraziiashyldyq dostyq pen antymaqtastyqtyń aiasyndaǵy jańa mádeni-tarihi qubylys ekenin atap ótti. Sondai-aq, ol Elbasy Nursultan Nazarbaevtyń «Memleketterdiń Eýraziialyq odaǵyn qalyptastyrý týraly» jobasyn usynǵanyn eske salyp ótti.
«Tolyqqandy halyqaralyq uiym – Eýraziialyq ekonomikalyq qoǵamdastyq qurý, Keden odaǵy, Biryńǵai ekonomikalyq keńistik jáne Eýraziialyq ekonomikalyq odaq Eýraziia halyqtaryn barynsha jaqyndastyrý úshin negiz boldy. Bul túbegeili oilastyrylǵan, naqty tujyrymdalǵan jáne negizdelgen jobanyń ideiasy men rýhy búkil Eýraziia keńistigindegi integratsiialyq protsesterdiń negizin qalady. Nursultan Nazarbaevtyń sózin eske salǵym keledi: «Biz bir-birimizge kómektespei, tarihi turǵydan dami almaimyz. Ekonomikalardyń, tarihi-mádeni dástúrlerdiń ortaqtyǵy jáne mentalitet – bizdiń qarym-qatynastarymyzdy nyǵaitatyn negizgi faktorlar»degen bolatyn», - dedi Janseiit Qanseiituly.
Túimebaevtyń aitýynsha, bul ideia planetanyń eń iri integratsiialyq modeliniń mańyzdy kontýryna ie bolyp otyr. Sondai-aq, QHA Tóraǵasynyń orynbasary Qazaqstan úshin búgingi is-shara – Elbasynyń tatýlyq pen kelisim saiasatynyń shyǵarmashylyq damýy jáne syrtqy saiasatta kórinis tapqan jalǵasy ekendigin atap ótti.
«Bile bilseńizder, bul 30 jylǵa jýyq Qazaqstannyń ishki saiasatynyń myzǵymas irgetasy bolyp tabylatyn integratsiia saiasatynyń jalǵasy jáne «Áralýandyqtaǵy birlik» qaǵidatynyń iske asyrylýy. Onyń negizinde qoǵamdyq kelisim men jalpyulttyq birliktiń úlgisi jasaldy. Ol biyl óziniń 25 jyldyǵyn atap ótetin Qazaqstan halqy Assambleiasy institýtynyń qyzmeti arqyly iske asyryldy. Saiasi jáne qoǵamdyq institýt retinde Assambleia inkliýzivti qoǵamdyq-saiasi qurylymǵa ie», - dedi QHA Tóraǵasynyń orynbasary.
Aita keteiik, Janseiit Túimebaev aityp otyrǵan qurylym 9 depýtattyń atynan parlamenttik ókildigi bar jáne eldegi prezidenttik jáne bilik vertikali institýtynyń ajyramas bóligine ainalǵan. Ony Elbasy Nursultan Nazarbaevtyń ózi basqarady. Qazaqstan halqy Assambleiasynyń ózindik qurylymy men basqarý júiesi bar. Atap aitqanda, ǵylymi-sarapshylyq keńesi, elimizdiń iri joǵary oqý oryndaryndaǵy QHA kafedralary, Analar keńesi, Qoǵamdyq kelisim keńesi, Jýrnalister klýby, Mediatsiia jelisi jáne t.b.
Qazaqstan halqy Assambleiasynyń modelin damytý úshin mańyzdy sharttardyń biri Dostyq úileri institýty boldy, búgingi tańda elimizdiń barlyq oblystarynda ǵana emes, kópetnosty aýdandar men qalalarda da 40-tan astap Dostyq úii jumys isteidi.
«Dostyq úileriniń ǵimarattarynda 902 etnomádeni birlestik, onyń ishinde 28 respýblikalyq; 195 jeksenbilik tilderdi oqytý mektebi, 248 tildik top; 303 shyǵarmashylyq ujym; Assambleianyń «Jańǵyrý joly» respýblikalyq jastar qozǵalysynyń 160 jastar uiymy; Assambleianyń 1411 mediatorlary, sondai-aq mediatsiia kabinetteri ornalasqan. Dostyq úileriniń jumysyna turaqty túrde 438 myń adam tartylǵan», - dedi Janseiit Túimebaev.
Esterińizge sala keteiik, Qazaqstan halqy Assambleiasy Tóraǵasynyń orynbasary – Hatshylyq meńgerýshisi Janseiit Túimebaev Dostyq úileriniń halyqaralyq forýmyna qatysty. Máskeý qalasynda ótken halyqaralyq forým «Eýraziianyń dostyq kópirleri» dep ataldy.
