QR Saýda jáne integratsiia ministrligi Tutynýshylardyń quqyqtaryn qorǵaý komiteti Almaty qalasy Túrksib aýdandyq sotyna Bek Eir áýekompaniiasynyń ústinen talap aryz berdi, dep habarlaidy "Ult aqparat" atalǵan vedomstvonyń baspasóz qyzmetine silteme jasap.
Qazirgi ýaqytta tutynýshylardyń quqyqtaryn qorǵaý komitetine Bek Eir áýekompaniiasy buzǵan tutynýshylyq quqyqtaryn qalpyna keltirý týraly 420 adam ótinish jasady.
Buǵan deiin habarlanǵandai, 2020 jyldyń 31 qańtarynda Komitet áýekompaniianyń ústinen Nur-Sultan qalasynyń mamandandyrylǵan aýdanaralyq ekonomikalyq sotyna talap aryz bergen.
Alaida, 2020 jyldyń 20 aqpanynda aldyn ala sot otyrysynda, isti sottylyǵy boiynsha Almaty qalasynyń Túrksib aýdandyq sotyna berý týraly sot uiǵarymy shyqty. Biraq Komitet sot sheshimimen kelispeidi. 2020 jyldyń 21 aqpanynda osy uiǵarymǵa jeke shaǵym berildi.
Sonymen qatar, azamattardyń ótinishteriniń turaqty túsýine bailanysty jáne sottyń talap aryzdy qaraýy maqsatynda Komitet múmkindiginshe qysqa merzimde Bek Eir áýeakompaniiasyna Almaty qalasynyń Túrksib aýdandyq sotyna ekinshi talap aryz berdi. Talap 2020 jyldyń 21 aqpanynda 360 adamdy qorǵaýǵa berilgen, osy sottyń aldyn ala sot otyrysy 2020 jyldyń 30 naýryzyna taǵaiyndalǵan.
Komitetke kún saiyn satyp alynǵan biletter úshin aqshalai qarajatty qaitarý máselesi boiynsha 20-dan astam ótinish kelip túsedi. Jańa ótinishter barlyq qajetti rastaýshy qujattardyń bolýy máselesine qarastyrylýda. Qajetti talaptarǵa sáikes kelgen jaǵdaida ótinishter talap aryzǵa tolyqtyrýlarǵa engiziledi.
