قر ساۋدا جەنە ينتەگراتسييا مينيسترلٸگٸ تۇتىنۋشىلاردىڭ قۇقىقتارىن قورعاۋ كوميتەتٸ الماتى قالاسى تٷركسٸب اۋداندىق سوتىنا بەك ەير ەۋەكومپانيياسىنىڭ ٷستٸنەن تالاپ ارىز بەردٸ, دەپ حابارلايدى "ۇلت اقپارات" اتالعان ۆەدومستۆونىڭ باسپاسٶز قىزمەتٸنە سٸلتەمە جاساپ.
قازٸرگٸ ۋاقىتتا تۇتىنۋشىلاردىڭ قۇقىقتارىن قورعاۋ كوميتەتٸنە بەك ەير ەۋەكومپانيياسى بۇزعان تۇتىنۋشىلىق قۇقىقتارىن قالپىنا كەلتٸرۋ تۋرالى 420 ادام ٶتٸنٸش جاسادى.
بۇعان دەيٸن حابارلانعانداي, 2020 جىلدىڭ 31 قاڭتارىندا كوميتەت ەۋەكومپانييانىڭ ٷستٸنەن نۇر-سۇلتان قالاسىنىڭ مامانداندىرىلعان اۋدانارالىق ەكونوميكالىق سوتىنا تالاپ ارىز بەرگەن.
الايدا, 2020 جىلدىڭ 20 اقپانىندا الدىن الا سوت وتىرىسىندا, ٸستٸ سوتتىلىعى بويىنشا الماتى قالاسىنىڭ تٷركسٸب اۋداندىق سوتىنا بەرۋ تۋرالى سوت ۇيعارىمى شىقتى. بٸراق كوميتەت سوت شەشٸمٸمەن كەلٸسپەيدٸ. 2020 جىلدىڭ 21 اقپانىندا وسى ۇيعارىمعا جەكە شاعىم بەرٸلدٸ.
سونىمەن قاتار, ازاماتتاردىڭ ٶتٸنٸشتەرٸنٸڭ تۇراقتى تٷسۋٸنە بايلانىستى جەنە سوتتىڭ تالاپ ارىزدى قاراۋى ماقساتىندا كوميتەت مٷمكٸندٸگٸنشە قىسقا مەرزٸمدە بەك ەير ەۋەاكومپانيياسىنا الماتى قالاسىنىڭ تٷركسٸب اۋداندىق سوتىنا ەكٸنشٸ تالاپ ارىز بەردٸ. تالاپ 2020 جىلدىڭ 21 اقپانىندا 360 ادامدى قورعاۋعا بەرٸلگەن, وسى سوتتىڭ الدىن الا سوت وتىرىسى 2020 جىلدىڭ 30 ناۋرىزىنا تاعايىندالعان.
كوميتەتكە كٷن سايىن ساتىپ الىنعان بيلەتتەر ٷشٸن اقشالاي قاراجاتتى قايتارۋ مەسەلەسٸ بويىنشا 20-دان استام ٶتٸنٸش كەلٸپ تٷسەدٸ. جاڭا ٶتٸنٸشتەر بارلىق قاجەتتٸ راستاۋشى قۇجاتتاردىڭ بولۋى مەسەلەسٸنە قاراستىرىلۋدا. قاجەتتٸ تالاپتارعا سەيكەس كەلگەن جاعدايدا ٶتٸنٸشتەر تالاپ ارىزعا تولىقتىرۋلارعا ەنگٸزٸلەدٸ.
