25 qańtarda Tutynýshylardyń quqyǵyn qorǵaý komiteti «Bek Air» AQ kompaniiasyn besinshi márte sotqa berdi, dep habarlaidy "Ult aqparat".
Besinshi talap aryzda komitet 62 adamnyń múddesin qorǵaidy. Talap aryzdyń somasy – 3,5 mln teńge.
Esterińizge sala keteiik, sot komitettiń «Bek Air» kompaniiasyna qatysty alǵashqy tórt talap aryzyn qanaǵattandyrdy, al eki aryz zańdy kúshine endi.
«Atqarýshylyq is júrgizý jáne sot oryndaýshylarynyń mártebesi týraly»zańǵa sáikes merzimdi óndirip alý týraly atqarýshylyq qujattardy qospaǵanda, sondai-aq zańnamalyq aktilerge ózge de oryndaý merzimderi belgilengen jaǵdailardy qospaǵanda, is júrgizý qozǵalǵan kúnnen bastap eki aidan aspaityn merzimde aiaqtalýǵa tiis.
Zańnama talaptaryna sáikes sot sheshimderin oryndaýǵa tek sot oryndaýshylary ǵana ýákilettik berilgenine nazar aýdaramyz.
Sondyqtan tutynýshylar sot oryndaýshylaryna júginýge quqyly, olar sot sheshimderin oryndaý boiynsha ýaqtyly sharalar qabyldaýǵa mindetti.
Atqarýshylyq paraǵy berilgen sot oryndaýshysy týraly málimetterdi alý úshin tutynýshylar Almaty qalasynyń jeke sot oryndaýshylarynyń palatasyna júginý qajet.
Sotta óz múddesin bildirý úshin tutynýshylar TQQK mekenjaiyna myna siltemeden júktep alynǵan anyqtamany jiberýi kerek.
Ótinishter elektrondyq úkimettiń portaly jáne telegram-boty artqy qabyldanady.
Buǵan deiin sot tutynýshylar quqyǵyn qorǵaý komitetiniń «Bek Eir» AQ-na qatysty ekinshi talabyn qanaǵattandyrǵanyn habarlaǵan edik.
Eske sala ketsek, 2019 jyldyń 27 jeltoqsanynda Almatydan Nur-Sultan qalasyna ushyp shyqqan Bek Eir kompaniiasynyń ushaǵy radardan joǵalyp ketti.
Keiin 95 jolaýshysy jáne 5 ekipaj múshesi bar ushaqtyń apatqa ushyraǵany málim boldy.
Ushaq jerge qulaǵan soń syrǵanap baryp áýejai aýmaǵyna jaqyn tustaǵy aýyl shetindegi eki qabatty úige soǵylǵan. Saldarynan 12 adam qaza tapty.
Osydan keiin Bek Air áýe kompaniiasyna tiesili toǵyz Fokker-100 ushaǵynyń qyzmeti toqtatyldy.
