Elimizde tutynýshylardyń qoǵamdyq birlestikterine qoǵamdyq baqylaý júrgizý quzyreti beriledi. Bul týraly QR Parlamenti Senatynyń jalpy otyrysynda tutynýshylardyń quqyqtaryn qorǵaý máseleleri kózdelgen zań jobasyn tanystyrǵan QR Saýda jáne integratsiia ministri Baqyt Sultanov aitty, dep habarlaidy QazAqparat.
Ministrdiń aitýynsha, «Qazaqstan Respýblikasynyń keibir zańnamalyq aktilerine tutynýshylar quqyǵyn qorǵaý máseleleri boiynsha ózgerister men tolyqtyrýlar engizý týraly» QR Zańynyń jobasynda tutynýshylardyń quqyqtaryn qorǵaý jumystaryna úkimettik emes uiymdar belsendi taratý qarastyrylady. Sonymen qatar olarǵa qoldaý kórsetiledi.
«Buzylǵan quqyqtardy tolyqqandy qalpyna keltirý maqsatynda tutynýshylyq daýlardy sotqa deiingi retteý sýbektilerine eki jaqty kelisim bolǵan jaǵdaida moraldyq ziiandy óteýdi júzege asyrý quqyǵy beriledi. Shaǵyn jáne orta biznesti tekserýge engizilgen moratoriidi eskere otyryp, tutynýshylardyń qoǵamdyq birlestikterine qoǵamdyq baqylaý júrgizý boiynsha quzyretin berý kózdeledi. Budan basqa, halyqtyń áleýmettik osal toptaryna óz quqyqtaryn qorǵaýǵa tegin ókildik qyzmetter kórsetý jáne olarǵa keńes berý úshin qoǵamdyq uiymdarǵa memlekettik áleýmettik tapsyrys beriletin bolady», - dedi ol.
Sondai-aq Baqyt Sultanov atalǵan zań jobasyna Májilisi depýtattary tarapynan birqatar túzetý engizilgenin aitty.
«Olar - qoǵamdyq birlestikterge daýlardy sotqa deiingi retteý sýbektileri retinde qyzmet etýge múmkindik berý, vedomstvoaralyq keńesti Úkimet deńgeiine shyǵarý boiynsha túzetýler. Engizilgen túzetýlerdiń bir toby «Saýda qyzmetin retteý týraly» Zańǵa, atap aitqanda áleýmettik mańyzy bar azyq-túlik taýarlary baǵalarynyń baqylaýsyz ósýine jol bermeýge baǵyttalǵan», - dedi ministr.
