Zańǵar jazýshy, kásibi jýrnalist, memleket jáne qoǵam qairatkeri Sherhan Murtaza aǵamyzdyń dúnieden ozǵany týraly habardy zor kúizelispen qabyldadym.
Sheraǵam «Bir kem dúnie» dep júrip, bes kún fáni jalǵannan kelmestiń kemesine minip, máńgilik mekenge attandy. Tutas bir dáýirdiń kýágeri kóshti.
Ǵibratqa toly ǵumyrynda, qazaq rýhaniiatynyń damýyna ólsheýsiz úles qosyp, ádebiettiń «Taý tulǵasy» atandy. «Jegeni jantaq, arqalaǵany altyn» dep, tilshiniń tirligin hám bedelin túzep, bekem etti. Shákirt tárbielep, ózi júrgen dańǵyl jolymen urpaqqa úlgi bola aldy. Onyń jazýshylyǵy men jýrnalistigi bir tóbe, shymyr sózden uiqas uiytyp, óleń óretin aqyndyǵy bir tóbe edi.
Jambyl óńirinde qyzmet jasap júrgenimde, Aǵamnyń shańyraǵynda jii bolyp, didarlasyp, keńesip turýshy edim. Erjigittiń qar barysyndai baiypty minezdi bolǵany- onyń baǵy dep aitýshy edi maǵan.
Shyntýaitynda, aǵanyń shyn esimi – Sheri ekenin bireý bilse, bireý bilmes. Aibaty men qairaty basym tek ushar biik, qar basqan shyńda ǵana ómir súretin qazaq barysyna bailanysty qoiylsa kerek.
Eń ókinishtisi ulttyń dástúri, dili men tiline, jalpy, el taǵdyryna qatysty, qanatty sózderin, shekpeninen shyqqan sherli dúnielerin endi, basylan baspa men jazylǵan taspalardan, ózi qattaǵan kitaptardan ǵana kórip, oqimyz.
Baqul bolyńyz rýhtas Aǵa. Jaratqan janyńyzdy nurǵa bólep, mekenińizde peiishten etsin.
Sheraǵanyń otbasyna, týǵan týystaryna jáne kúli qazaq rýhaniiatyna qaiǵyryp kóńil aitamyn.
Qanat Bozymbaev,
QR Energetika ministri
