زاڭعار جازۋشى, كەسٸبي جۋرناليست, مەملەكەت جەنە قوعام قايراتكەرٸ شەرحان مۇرتازا اعامىزدىڭ دٷنيەدەن وزعانى تۋرالى حاباردى زور كٷيزەلٸسپەن قابىلدادىم.
شەراعام «بٸر كەم دٷنيە» دەپ جٷرٸپ, بەس كٷن فەني جالعاننان كەلمەستٸڭ كەمەسٸنە مٸنٸپ, مەڭگٸلٸك مەكەنگە اتتاندى. تۇتاس بٸر دەۋٸردٸڭ كۋەگەرٸ كٶشتٸ.
عيبراتقا تولى عۇمىرىندا, قازاق رۋحانيياتىنىڭ دامۋىنا ٶلشەۋسٸز ٷلەس قوسىپ, ەدەبيەتتٸڭ «تاۋ تۇلعاسى» اتاندى. «جەگەنٸ جانتاق, ارقالاعانى التىن» دەپ, تٸلشٸنٸڭ تٸرلٸگٸن ھەم بەدەلٸن تٷزەپ, بەكەم ەتتٸ. شەكٸرت تەربيەلەپ, ٶزٸ جٷرگەن داڭعىل جولىمەن ۇرپاققا ٷلگٸ بولا الدى. ونىڭ جازۋشىلىعى مەن جۋرناليستٸگٸ بٸر تٶبە, شىمىر سٶزدەن ۇيقاس ۇيىتىپ, ٶلەڭ ٶرەتٸن اقىندىعى بٸر تٶبە ەدٸ.
جامبىل ٶڭٸرٸندە قىزمەت جاساپ جٷرگەنٸمدە, اعامنىڭ شاڭىراعىندا جيٸ بولىپ, ديدارلاسىپ, كەڭەسٸپ تۇرۋشى ەدٸم. ەرجٸگٸتتٸڭ قار بارىسىنداي بايىپتى مٸنەزدٸ بولعانى- ونىڭ باعى دەپ ايتۋشى ەدٸ ماعان.
شىنتۋايتىندا, اعانىڭ شىن ەسٸمٸ – شەرٸ ەكەنٸن بٸرەۋ بٸلسە, بٸرەۋ بٸلمەس. ايباتى مەن قايراتى باسىم تەك ۇشار بيٸك, قار باسقان شىڭدا عانا ٶمٸر سٷرەتٸن قازاق بارىسىنا بايلانىستى قويىلسا كەرەك.
ەڭ ٶكٸنٸشتٸسٸ ۇلتتىڭ دەستٷرٸ, دٸلٸ مەن تٸلٸنە, جالپى, ەل تاعدىرىنا قاتىستى, قاناتتى سٶزدەرٸن, شەكپەنٸنەن شىققان شەرلٸ دٷنيەلەرٸن ەندٸ, باسىلان باسپا مەن جازىلعان تاسپالاردان, ٶزٸ قاتتاعان كٸتاپتاردان عانا كٶرٸپ, وقيمىز.
باقۇل بولىڭىز رۋحتاس اعا. جاراتقان جانىڭىزدى نۇرعا بٶلەپ, مەكەنٸڭٸزدە پەيٸشتەن ەتسٸن.
شەراعانىڭ وتباسىنا, تۋعان تۋىستارىنا جەنە كٷلٸ قازاق رۋحانيياتىنا قايعىرىپ كٶڭٸل ايتامىن.
قانات بوزىمباەۆ,
قر ەنەرگەتيكا مينيسترٸ
