Belgili kásipker, «Qazatomónerkásiptiń» burynǵy basshysy Muhtar Jákishevtiń qyzy Altynai Jákisheva otbasyn qurdy, dep habarlaidy ult.kz.
Jas jubailardyń toiy Almaty qalasynda ótip, qýanyshty sátten túsirilgen kadrlar áleýmettik jelilerde keńinen tarady.
Kúieý jigittiń anasy Qazaqstan keremet áser qaldyrǵanyn, áýejaida qyzyq jaǵdaiǵa tap bolǵanyn jazdy.
«Biz Almatyǵa jáne keri baǵytta Air Astana áýe kompaniiasymen ushtyq. Almatyǵa barǵan reisimiz jaily ári jaǵymdy ótti. Al qaitar joldaǵy sapar múlde erekshe boldy. Ushaqqa mingen kezde bortserik maǵan ádettegiden sál uzaqtaý qarap turǵanyn baiqadym, biraq sebebin túsinbedim. Keiin ornyma jaiǵasqan soń, ol qasyma kelip:
– Obi hanym, ushaǵymyzǵa qosh keldińiz. Karl men Altynaidyń úilený toiymen quttyqtaimyz. Biz toidy baqylap, kórip otyrdyq, – dedi.
Sodan keiin artymdaǵy oryndyqta otyrǵan áiel ornynan turyp:
– Ulyńyzdyń úilený toiy qutty bolsyn! Men ony ótken aptada kórdim, – dedi.
Men tańǵalǵanymnan ornymnan qulap kete jazdadym!
Búgingi reiste bizge erekshe qamqorlyq kórsetken Air Astana kompaniiasyna jáne onyń tamasha ekipaj múshelerine alǵys aitamyn. Sizder Almatyda ótkizgen ýaqytymyz týraly keremet estelikterimizdi odan ári tolyqtyra tústińizder», - dep jazdy ol.
