ShQO ákimi Danial Kenjetaiuly Ahmetovtiń,
Semei qalasy ákimi Ermak Bidahmetuly Sálimovtiń
nazaryna!
Búgin Qazaqstannyń eńbek sińirgen mádeniet qairatkeri, ánshi-kompozitor Tursynǵazy Rahimovtyń týǵan kúni. Belgili óner maitalmany aramyzda bolsa 67 jasqa tolar edi.
Búginde Ámire Qashaýbaev atyndaǵy Semei Memlekettik filarmoniiasynyń direktory Adai Zeinoldauly Azamatovtyń jeke bastamasymen Tursynǵazy Rahimovtyń eskertkishi daiyn boldy. Alaida bul óner týyndysynyń Semei qalasynyń qai jerine qoiylatyny áli kúnge belgisiz.
"Tursynǵazy aǵamyzdyń dosy Adai Zeinoldauly Azamatovtyń bastamasymen eskertkish te daiyn boldy, endi ornatatyn jer jaǵdaiy qarastyrylýda. Buiyra, "Tursynǵazy Raximov" kóshesimen kele jatyrmyn degen sózdi de estisizder", - deidi Qazaqstan Jazýshylar odaǵynyń Semei qalalyq filialy Tóraǵasy Merei Qartov.
Keibir usynystardy eskersek, atalmysh eskertkish Ortalyq ámbebap dúkenniń (TsÝM) ne Saz kolledjiniń aldyna bolmasa Jaǵalaýǵa qoiylýy múmkin. Al, Merei Qartov bolsa "ózi ylǵi júretin Shákárim saiabaǵyna qoiylsa" degen armany bar ekenin jasyrmady.
"Óte jaqsy jasalǵan eskertkish eken. Men eskertkish qoiylatyn oryn muqiiat tańdalsa eken degendi aitqym keledi. Əlihan eskertkishindei bir buryshqa tyǵyp tastamasa eken. Jaǵalaýdaǵy Ǵ.Toqai eskertkishin qarańyzdarshy, kishkene ǵana biýst úlken keshendei əser etedi", - deidi Serikbek Aisholpanov.
Eń mańyzdysy, biregei talant, barsha alash jurtynyń maqtanyshy Tursynǵazy Rahimov eskertkishine laiyqty bir orynnyń tabylǵany abzal. Bul isti Shyǵys Qazaqstan oblysy ákimdigi men Semei qalalyq ákimshilik óz baqylaýyna alady degen senimdemiz.
Aita ketsek, ánshi, kompozitor, Qazaqstannyń Eńbek sińirgen mádeniet qyzmetkeri Tursynǵazy Rahimov ótken jyly 65 jasqa qaraǵan shaǵynda dúnie salǵan bolatyn. Ol 1951 jyl Aiagóz aýdanynda dúniege kelgen. 1994 jyly «Sábi bolǵym keledi» atty ánder jinaǵy shyqqan. Muqaǵali Maqataevtyń «Dariǵa, dombyramdy bershi maǵan», «Otyzdan asyp baramyn», «Men seni saǵynǵanda», «Sanaýly kún, sanaýly ai, sanaýly jyl», «Sábi bolǵym keledi» atty tanymal óleńderine áýenge ainaldyrǵan kompozitordyń júzge tarta áni qaldy.
Jannur Bolatova
