تۇرسىنعازى راحيموۆتىڭ ەسكەرتكٸشٸ ەلەۋسٸز قالماسىن

شقو ەكٸمٸ دانيال كەنجەتايۇلى احمەتوۆتٸڭ,

سەمەي قالاسى ەكٸمٸ ەرماك بيداحمەتۇلى سەلٸموۆتٸڭ 

نازارىنا!

بٷگٸن قازاقستاننىڭ ەڭبەك سٸڭٸرگەن مەدەنيەت قايراتكەرٸ, ەنشٸ-كومپوزيتور تۇرسىنعازى راحيموۆتىڭ تۋعان كٷنٸ. بەلگٸلٸ ٶنەر مايتالمانى ارامىزدا بولسا 67 جاسقا تولار ەدٸ.

بٷگٸندە ەمٸرە قاشاۋباەۆ اتىنداعى سەمەي مەملەكەتتٸك فيلارمونيياسىنىڭ ديرەكتورى اداي زەينولداۇلى ازاماتوۆتىڭ جەكە باستاماسىمەن تۇرسىنعازى راحيموۆتىڭ ەسكەرتكٸشٸ دايىن بولدى. الايدا بۇل ٶنەر تۋىندىسىنىڭ سەمەي قالاسىنىڭ قاي جەرٸنە قويىلاتىنى ەلٸ كٷنگە بەلگٸسٸز. 

"تۇرسىنعازى اعامىزدىڭ دوسى اداي زەينولداۇلى ازاماتوۆتىڭ باستاماسىمەن ەسكەرتكٸش تە دايىن بولدى, ەندٸ ورناتاتىن جەر جاعدايى قاراستىرىلۋدا. بۇيىرا, "تۇرسىنعازى راxيموۆ" كٶشەسٸمەن كەلە جاتىرمىن دەگەن سٶزدٸ دە ەستيسٸزدەر", - دەيدٸ قازاقستان جازۋشىلار وداعىنىڭ سەمەي قالالىق فيليالى تٶراعاسى مەرەي قارتوۆ.

كەيبٸر ۇسىنىستاردى ەسكەرسەك, اتالمىش ەسكەرتكٸش ورتالىق ەمبەباپ دٷكەننٸڭ (تسۋم) نە ساز كوللەدجٸنٸڭ الدىنا بولماسا جاعالاۋعا قويىلۋى مٷمكٸن. ال, مەرەي قارتوۆ بولسا "ٶزٸ ىلعي جٷرەتٸن شەكەرٸم ساياباعىنا قويىلسا" دەگەن ارمانى بار ەكەنٸن جاسىرمادى.

"ٶتە جاقسى جاسالعان ەسكەرتكٸش ەكەن. مەن ەسكەرتكٸش قويىلاتىن ورىن مۇقييات تاڭدالسا ەكەن دەگەندٸ ايتقىم كەلەدٸ. Əليحان ەسكەرتكٸشٸندەي بٸر بۇرىشقا تىعىپ تاستاماسا ەكەن. جاعالاۋداعى ع.توقاي ەسكەرتكٸشٸن قاراڭىزدارشى, كٸشكەنە عانا بيۋست ٷلكەن كەشەندەي əسەر ەتەدٸ", - دەيدٸ سەرٸكبەك ايشولپانوۆ.

ەڭ ماڭىزدىسى, بٸرەگەي تالانت, بارشا الاش جۇرتىنىڭ ماقتانىشى تۇرسىنعازى راحيموۆ ەسكەرتكٸشٸنە لايىقتى بٸر ورىننىڭ تابىلعانى ابزال. بۇل ٸستٸ شىعىس قازاقستان وبلىسى ەكٸمدٸگٸ مەن سەمەي قالالىق ەكٸمشٸلٸك ٶز باقىلاۋىنا الادى دەگەن سەنٸمدەمٸز.

ايتا كەتسەك, ەنشٸ, كومپوزيتور, قازاقستاننىڭ ەڭبەك سٸڭٸرگەن مەدەنيەت قىزمەتكەرٸ تۇرسىنعازى راحيموۆ ٶتكەن جىلى 65 جاسقا قاراعان شاعىندا دٷنيە سالعان بولاتىن. ول 1951 جىل اياگٶز اۋدانىندا دٷنيەگە كەلگەن. 1994 جىلى «سەبي بولعىم كەلەدٸ» اتتى ەندەر جيناعى شىققان. مۇقاعالي ماقاتاەۆتىڭ «داريعا, دومبىرامدى بەرشٸ ماعان», «وتىزدان اسىپ بارامىن», «مەن سەنٸ ساعىنعاندا», «ساناۋلى كٷن, ساناۋلى اي, ساناۋلى جىل»,  «سەبي بولعىم كەلەدٸ» اتتى تانىمال ٶلەڭدەرٸنە ەۋەنگە اينالدىرعان كومپوزيتوردىڭ جٷزگە تارتا ەنٸ قالدى.

جاننۇر بولاتوۆا