Tanymal kásipker Tursyn Alagózovtiń uly Arsen Alagózov jýrnalist Dinara Sátjanǵa bergen suhbatynda ákesimen qarym-qatynasy týraly ashyq aitty, dep habarlaidy ult.kz.
Arsen suhbat barysynda ákesiniń buryn aitqan keibir sózi ózine aýyr tigenin jasyrmady. Onyń aitýynsha, Tursyn Alagózov bir kezderi Arsen men Áminany “josparlanbaǵan, qalamaǵan balalar” dep aitqan.
“Ákem Amina ekeýmizdi josparlanbaǵan, qalamaǵan balalar dep aitty. Meni tek eki jasymda kórgenin, ol kezde men Qytaida bolǵanymdy aitty. Biraq men úlken mahabbattan týǵanmyn. Ákemniń esinde joq”, - dedi Arsen.
Onyń sózinshe, bul áńgimeniń búkil elge aitylǵany janyna qatty batqan. Sebebi sodan keiin kópshilik oǵan aiaýshylyqpen qarai bastaǵan.
“Bul, árine, óte jaǵymsyz. Adamdar sodan keiin maǵan aiaýshylyqpen qarai bastady. Al maǵan ol unamaidy. Men úlken mahabbatpen týdym. Ózime senimdi jigitpin. Qudai bárin berdi. Meni aiaýdyń keregi joq”, - dedi ol.
Arsen Alagózov ákesine renishin aitqanymen, ózin álsiz nemese taǵdyrdyń qurbany retinde kórsetkisi kelmeitinin jetkizdi. Onyń sózinen áke sózine degen ókpe ǵana emes, ózin dáleldeýge degen ishki qarsylyq ta baiqalady.
Buǵan deiin Arsen Alagózovtiń ákesimen arada birneshe jyl bailanys bolmaǵany aitylǵan.
