Foto: © Sputnik / Timýr Batyrshin
Politsiia qyzmetkerleri 1 shildeden bastap turmystyq zorlyq-zombylyq qurbandarynyń jazbasha aryzyn kútpei, óz betinshe ákimshilik ister qozǵai bastaidy. Bul týraly IIM Ákimshilik politsiia komitetiniń basqarma basshysy Rýslan Qarjaspekov aitty, - dep habarlaidy Tengrinews.kz saity.
"1 shildeden bastap politsiia turmystyq quqyq buzýshylyqtardy tirkeýdiń anyqtaý sipatyna kóshedi. Jańa túzetýler jábirlenýshilerdiń ótinishinsiz ákimshilik quqyq buzýshylyq týraly is qozǵaýǵa múmkindik beredi. Turmystyq zorlyq-zombylyq jasaý deregi boiynsha. Hattama jasaý úshin kýágerlerdiń, kórshilerdiń aiǵaqtary, beinebaqylaý kameralarynyń jazbalary men beinetirkegish jetkilikti bolady. Sońǵy sheshimdi sot shyǵarady. Taraptardyń tatýlasý múmkindigi joqqa shyǵaryldy", - dedi Rýslan Qarjaspekov Ishki ister ministrliginde ótken brifingte.
Onyń aitýynsha, qazir otbasylyq zorlyq-zombylyq boiynsha materialdardyń jartysy taraptardyń tatýlasýyna bailanysty sotta toqtatylady.
"Bul agressordyń nemese týystarynyń kóndirý nemese qysym kórsetýi nátijesinde bolady. Mysaly, jyl basynan beri osy negizder boiynsha 5 myń turmystyq zorlyq-zombylyq deregi toqtatyldy. Endi 1 shildeden bastap tatýlasýǵa múmkindik tek bir ret, sotta bolady", - dep qosty Qarjaspekov.
