فوتو: © Sputnik / تيمۋر باتىرشين
پوليتسييا قىزمەتكەرلەرٸ 1 شٸلدەدەن باستاپ تۇرمىستىق زورلىق-زومبىلىق قۇرباندارىنىڭ جازباشا ارىزىن كٷتپەي, ٶز بەتٸنشە ەكٸمشٸلٸك ٸستەر قوزعاي باستايدى. بۇل تۋرالى ٸٸم ەكٸمشٸلٸك پوليتسييا كوميتەتٸنٸڭ باسقارما باسشىسى رۋسلان قارجاسپەكوۆ ايتتى, - دەپ حابارلايدى Tengrinews.kz سايتى.
"1 شٸلدەدەن باستاپ پوليتسييا تۇرمىستىق قۇقىق بۇزۋشىلىقتاردى تٸركەۋدٸڭ انىقتاۋ سيپاتىنا كٶشەدٸ. جاڭا تٷزەتۋلەر جەبٸرلەنۋشٸلەردٸڭ ٶتٸنٸشٸنسٸز ەكٸمشٸلٸك قۇقىق بۇزۋشىلىق تۋرالى ٸس قوزعاۋعا مٷمكٸندٸك بەرەدٸ. تۇرمىستىق زورلىق-زومبىلىق جاساۋ دەرەگٸ بويىنشا. حاتتاما جاساۋ ٷشٸن كۋەگەرلەردٸڭ, كٶرشٸلەردٸڭ ايعاقتارى, بەينەباقىلاۋ كامەرالارىنىڭ جازبالارى مەن بەينەتٸركەگٸش جەتكٸلٸكتٸ بولادى. سوڭعى شەشٸمدٸ سوت شىعارادى. تاراپتاردىڭ تاتۋلاسۋ مٷمكٸندٸگٸ جوققا شىعارىلدى", - دەدٸ رۋسلان قارجاسپەكوۆ ٸشكٸ ٸستەر مينيسترلٸگٸندە ٶتكەن بريفينگتە.
ونىڭ ايتۋىنشا, قازٸر وتباسىلىق زورلىق-زومبىلىق بويىنشا ماتەريالداردىڭ جارتىسى تاراپتاردىڭ تاتۋلاسۋىنا بايلانىستى سوتتا توقتاتىلادى.
"بۇل اگرەسسوردىڭ نەمەسە تۋىستارىنىڭ كٶندٸرۋ نەمەسە قىسىم كٶرسەتۋٸ نەتيجەسٸندە بولادى. مىسالى, جىل باسىنان بەرٸ وسى نەگٸزدەر بويىنشا 5 مىڭ تۇرمىستىق زورلىق-زومبىلىق دەرەگٸ توقتاتىلدى. ەندٸ 1 شٸلدەدەن باستاپ تاتۋلاسۋعا مٷمكٸندٸك تەك بٸر رەت, سوتتا بولادى", - دەپ قوستى قارجاسپەكوۆ.
