Prezident Qasym-Jomart Toqaev Úkimettiń keńeitilgen otyrysynda ekologiia salasyndaǵy problemalardy kóterdi. Tapsyrmalardyń mańyzdylyǵy týraly sý sharýashylyǵy salasyndaǵy ardager qyzmetker Amanjol Qojaǵulov óz pikirin bildirdi, - dep jazady Baq.kz.
Qatty turmystyq qaldyqtar máselesi óte mańyzdy. Prezident bul máseleni durys kóterip otyr. Qazir elde turmystyq qaldyqtardy qaita kádege jaratýmen ainalysatyn kásipkerler barshylyq. Sol úshin de qaldyqtardan qajetti zattardy jasap shyǵaratyn kásipkerlerdi uiymdastyryp, yntalandyrý kerek, - dedi ol.
Ol atap ótkendei, turmystyq qaldyqtardan kádege jaramdy biraz zattardy jasaýǵa bolady.
Máselen, turmystyq qaldyqtardy kúidirý arqyly saiabaqtarda oryndyqtar men qoqys salatyn jáshikter ázirlegen kásipkerler bar. Osy syndy kásipkerlerge qoldaý kórsetý kerek. Sebebi, turmystyq qaldyqtarǵa ekinshi ómir syilap, barynsha paidalanýǵa bolatyn zattardy jasaýǵa tolyq múmkindik bar, - dedi ol.
Aita keteiik, Prezident Qasym-Jomart Toqaev keńeitilgen Úkimet otyrysy barysynda ekologiia salasyndaǵy problemalardy kóterdi.
