Túrmede jazasyn ótep jatqan pedofilge esirtkini kámpitke tyǵyp ótkizbek bolǵan áiel ustaldy, - dep habarlaidy "Ult aqparat".
Almaty oblysy boiynsha Qylmystyq atqarý júiesi departamenti baspasóz qyzmetiniń málimetinshe, áiel adam Almaty oblysy boiynsha QAJD qarasty LA-155/12 joǵary qaýipsizdik mekemesindegi pedofilge psihotroptyq zattardy kámpitterdiń ortasyna tyǵyp ótkizýge tyrysqan.
«2017 jyly azamattyq nekedegi áieldiń kámeletke tolmaǵan qyzyna qatysty erekshe qatygezdikpen jynystyq qatynas jasaǵan sottalǵanǵa tyiym salynǵan zattardy koloniiaǵa berýge tyrysty. Qysqa merzimdi kezdesýge kelgen áiel jazasyn óteýshige kámpitke tyǵylǵan psihotroptyq zattardy alyp barǵan. Alaida, jedel bólimdegi tekserý tobynyń qyzmetkerleri bul árekettiń aldyn aldy.
Sottalǵandarmen jáne olardyń týystarymen tyiym salynǵan zattardy alyp ótý faktilerine jol bermeý boiynsha júrgizilgen profilaktikalyq áńgimelesýlerge qaramastan, azamattar tyiym salynǵan zattardy berýdi sanaly túrde jalǵastyrýda.
Tek 5 aidyń ishinde Almaty oblysynda penitentsiarlyq mekemelerge uialy telefondardy, spirttik ishimdikterdi, aqsha qarajatyn jáne esirtki zattaryn ákelýdiń 10 - ǵa jýyq faktisiniń aldyn alyndy», - dedi Almaty oblysy boiynsha QAJD bastyǵynyń mindetin atqarýshy Qanat Ashov.
Esterińizge sala keteiik, qylmystyq-atqarý júiesi mekemesine tyiym salynǵan zattardy bergender QR ÁQBtK-niń 481-babynda kózdelgen ákimshilik jazaǵa tartylady.
