تٷرمەدە جازاسىن ٶتەپ جاتقان پەدوفيلگە ەسٸرتكٸنٸ كەمپيتكە تىعىپ ٶتكٸزبەك بولعان ەيەل ۇستالدى, - دەپ حابارلايدى "ۇلت اقپارات".
الماتى وبلىسى بويىنشا قىلمىستىق اتقارۋ جٷيەسٸ دەپارتامەنتٸ باسپاسٶز قىزمەتٸنٸڭ مەلٸمەتٸنشە, ەيەل ادام الماتى وبلىسى بويىنشا قاجد قاراستى لا-155/12 جوعارى قاۋٸپسٸزدٸك مەكەمەسٸندەگٸ پەدوفيلگە پسيحوتروپتىق زاتتاردى كەمپيتتەردٸڭ ورتاسىنا تىعىپ ٶتكٸزۋگە تىرىسقان.
«2017 جىلى ازاماتتىق نەكەدەگٸ ەيەلدٸڭ كەمەلەتكە تولماعان قىزىنا قاتىستى ەرەكشە قاتىگەزدٸكپەن جىنىستىق قاتىناس جاساعان سوتتالعانعا تىيىم سالىنعان زاتتاردى كولونيياعا بەرۋگە تىرىستى. قىسقا مەرزٸمدٸ كەزدەسۋگە كەلگەن ەيەل جازاسىن ٶتەۋشٸگە كەمپيتكە تىعىلعان پسيحوتروپتىق زاتتاردى الىپ بارعان. الايدا, جەدەل بٶلٸمدەگٸ تەكسەرۋ توبىنىڭ قىزمەتكەرلەرٸ بۇل ەرەكەتتٸڭ الدىن الدى.
سوتتالعاندارمەن جەنە ولاردىڭ تۋىستارىمەن تىيىم سالىنعان زاتتاردى الىپ ٶتۋ فاكتٸلەرٸنە جول بەرمەۋ بويىنشا جٷرگٸزٸلگەن پروفيلاكتيكالىق ەڭگٸمەلەسۋلەرگە قاراماستان, ازاماتتار تىيىم سالىنعان زاتتاردى بەرۋدٸ سانالى تٷردە جالعاستىرۋدا.
تەك 5 ايدىڭ ٸشٸندە الماتى وبلىسىندا پەنيتەنتسيارلىق مەكەمەلەرگە ۇيالى تەلەفونداردى, سپيرتتٸك ٸشٸمدٸكتەردٸ, اقشا قاراجاتىن جەنە ەسٸرتكٸ زاتتارىن ەكەلۋدٸڭ 10 - عا جۋىق فاكتٸسٸنٸڭ الدىن الىندى», - دەدٸ الماتى وبلىسى بويىنشا قاجد باستىعىنىڭ مٸندەتٸن اتقارۋشى قانات اشوۆ.
ەستەرٸڭٸزگە سالا كەتەيٸك, قىلمىستىق-اتقارۋ جٷيەسٸ مەكەمەسٸنە تىيىم سالىنعان زاتتاردى بەرگەندەر قر ەقبتك-نٸڭ 481-بابىندا كٶزدەلگەن ەكٸمشٸلٸك جازاعا تارتىلادى.
