Álemde túrmede jatqandardyń 7 paiyzyn áielder quraidy. Biraq olardyń sany tez ósýde, qamaýdaǵy er adamdar sanynyń ósýimen salystyrǵanda áldeqaida jyldam artýda. Bul týraly BUU Adam quqyqtary jónindegi Joǵarǵy komissary basqarmasynyń Dalalyq operatsiialar jáne tehnikalyq yntymaqtastyq bóliminiń direktory Jorjet Ganon málimdedi, dep habarlaidy BUU jańalyqtary.
Onyń aitýynsha, túrmedegi áielder sanynyń kóbeiýi kóbinese qylmystyń jalpy ósýimen emes, «jekelegen elder biliginiń qate saiasi sheshimderimen» bailanysty.
Taǵy bir mańyzdy másele – túrmelerde adam sanynyń tolyp ketýi. Kem degende 114 elde ondaǵy adamdardyń sany syiymdylyqtyń resmi kórsetkishterinen asyp túsedi, al osy elderdiń 92-sinde túrmelerdiń tolýy 100-den 200 paiyzǵa deiingi kórsetkishti quraidy.
714 000-ǵa jýyq áiel men qyz temir torǵa qamalǵan. 2000 jyldan bastap túrmedegi áielder men qyzdar sany 53 paiyzǵa, al erler sany 20 paiyzǵa kóbeigen.
Koronavirýs pandemiiasy túrmelerdegi jaǵdaidy adam sanynyń tolyp ketý máselelerin ýshyqtyrdy. Virýs juqtyrǵan qamaýdaǵylar sanynyń shekten tys kóbeiýi jazalaýdyń balama túrlerin qoldaný qajettiligin týdyrdy. Osyǵan bailanysty kóptegen memleket shartty túrde qamaýǵa alý jáne úi qamaǵyna alý tájiribesin belsendi túrde qoldana bastady.
