Túrkiia biligi koronavirýstyń jańa túriniń taralýyn boldyrmaý sharalary aiasynda 31 provintsiiada komendanttyq saǵat engizdi, dep habarlaidy "Ult aqparat" Anadoly agenttigine silteme jasap.
Úiden shyǵýǵa 48 saǵatqa salynǵan tyiym 11 sáýirde túnde kúshine enedi jáne 13 sáýirde 00:00-ge deiin qoldanylady.
Shekteý sharalary el astanasy Ankarada jáne Túrkiianyń iri megapolisi Ystanbuldy da qamtidy.
Provintsiianyń gýbernatorlaryna tiisti ókimhat jiberildi.
Juma kúni Túrkiianyń Densaýlyq saqtaý ministrligi koronavirýs infektsiiasynan taǵy 98 adamnyń qaitys bolǵanyn rastady. Elde pandemiia qurbandarynyń jalpy sany 1006 adamǵa jetti.
