5 qazannan bastap áýe qatynasy jańartylǵan barlyq elderge áýe qatynasyn toqtatý jáne reis sanyn kóbeitpeý, Túrkiiaǵa ushatyn reis sanyn azaitý týraly sheshim qabyldandy. Bul týraly Ortalyq kommýnikatsiialar qyzmeti alańynda «QR DSM ózekti máseleleri: Pandemiia kezindegi meditsinalyq kómektiń qol jetimdiligi týraly» taqyrypta ótken onlain brifingide aityldy, dep habarlaidy "Ult aqparat".
«Qazirgi tańda elimizde koronavirýs infektsiiasymen aýyrǵandar boiynsha epidemilogiialyq jaǵdai turaqtaldy. Qazirgi kezde aýyrǵan adamdar sany – 17 979, sońǵy táýlikte 71 adamnyń aýyrǵany PTR test arqyly anyqtaldy. 3308 adam em alyp jatsa, 102 938 nemese 95,3% adam emdelip shyqty. 1734 adam osy dertten kóz kóz jumdy. Sondai-aq, elimizde tamyz aiynyń basynan bastap koronavirýspen aýyrǵan bolýy múmkin 303 000-ge jýyq adam tirkelse, onyń 305-i kóz jumdy», - deidi QR Densaýlyq saqtaý ministri Aleksei Tsoi.
Ol elimizde epidemiologiialyq jaǵdai turaqty bolǵanmen, basqa memleketterde jaǵdai nasharlap bara jatqanyn aitty.
«Qazaqstanǵa infektsiia ákelýdiń aldyn alý maqsatynda vedomstvoaralyq komissiia biyl 5 qazannan bastap áýe qatynasy jańartylǵan barlyq elderge áýe qatynasyn toqtatý jáne reis sanyn kóbeitpeý, Túrkiiaǵa ushatyn reis sanyn azaitý, ekinshi sanattaǵy elderden ushyp kelgen tulǵalardan anketa toltyrý, termometriiadan ótý jáne Covid-19-ben aýyrmaityny týraly anyqtama talap etiletini týraly sheshim qabyldady. Ol anyqtama úsh kúnge jaramdy. Anyqtama bolmaǵan jaǵdaida Qazaqstanǵa ushyp kelgen jolaýshy karantindik statsionarǵa 2 kúnge oqshaýlanady. Ol jerde laboratoriialyq tekseristen ótken kezde aýrý juqtyrǵany anyqtalǵan adam infektsiialyq aýrýhanaǵa jatqyzylady. EAEO quramyna kiretin elder men Ózbekstannyń memlekettik shekarasynan ótetin pýnkterde de osyndai talaptar qoiylady», - deidi ol.
